थु़र्मा 19:18 - थुलुङ राई

¹⁸ थो़रलु़पामिम छो़म सेर्पा मेसिन्‍डा रोम्‍डी, मा मेर्मिमका बेम्‍डिम मेजो़पा खारीमिम खोत्‍ले उनी न-गोलामका मिम्‍सिम्‍डी, मा खोत्‍लेकु ङादोडा सो़म्‍डी।

थु़र्मा 19:18 Referans Kwoze

रोमी 10:10

हेङालोने गुइ नगोलामका थो़रलु़साका ङा माम्‍चु़नीकु ङादोडा जो़पा न-गोकाम दु़म्‍सी। मेम्‍मा गुइ थो़रलु़इडिम ल्‍वा त्‍वाकु सिकाङा सो़साका सेल्‍सिडी।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

१ यूहन्‍ना 1:9

गुइ इकीमा छु़लमिम माम्‍चु़नीनुङ सो़इडी माला गुमीका इकीमा छु़ल हेप्‍साक्‍सामी मा मेजो़पा खोत्‍लेडाम छेको-छेको बेसामी। हेङालोने गुमी थो़र लु़इमिम मा जो़पा बेपा बुमी।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

थु़र्मा 19:19

मेर्मिमगोडाम बैदाङ डाट्पामिमका उनी खाजेममिम खोप्‍मिडिमा रेट्‌मिडी, मा खोत्‍लेकु ङादोडा चाम्‍डी। मेर्मिमका मेर्मिम खाजेमकु थि ङार्मिडिलो ङो सङसङ (५०,०००) मतोकु खउलुङकाम बाइडा।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।