थु़र्मा 19:16 - थुलुङ राई

¹⁶ मेकोतिमा मे मुनाङपेलका हुपा मु़चु़ मेर्मिमडला प्रोक्‍तो रोक्‍तामा मेर्मिम खोत्‍लेलाई घ्‍ल्‍वास्‍तु़मिमा लेब्‍बोक्‍तु़मी। मेर्मिम मेराम नेमलामका खालिन्‍ते नुङ पारनुङमा दु़म्‍मिडिमा स्‍वाम्‍डी।

थु़र्मा 19:16 Referans Kwoze

लूका 8:29

हेङालोने येशूका मुनाङपेललाई मेराम मु़चु़लामका लुकामा लस्‍ल्‍याडा बेम्‍डिम बाइडा। मेराम मु़चु़लाई हापाखेपङा मुनाङपेलका उ ल्‍वाड्‌डा बु़डु़म बाइडा। मेराम मु़चु़लाई ल्‍वा नुङ खेलडा सेल रिवाका बसाका मु़चु़मिमका लम्‍थाल्‍मिडी। लावो सेल रिवा ङा फ्‍यास्‍थाल्‍लु़। मेकोतिमा मुनाङपेलका मेरामलाई र्‍याङगो-र्‍याङगोथो़ लथाल्‍लु़।

मर्कूस 5:15

मेर्मिम येशूकाडा रोम्‍फाम्‍डिलो मे मुनाङपेलनुङमा मु़चु़, उहेमनुङ ङादो छो़म सेर्पा मुनाङमिम बाम्‍थाल्‍मिडिम बाइडा, मेराम मु़चु़ ये फतासिड्‌डामा उ ननुङमा ङा गन्‍तासिट्‌पा ल्‍वाम्‍डी। मेम्‍मिमका मेर्मिम छो़म ङिम्‍डी।

लूका 8:35

मेम्‍मा मेसिन्‍डा हाम दु़स्‍ताम बाइडा मेराम रेप्‍डा मु़चु़मिम येशूकाडा रोम्‍डी। मेकोतिलो मेसिन्‍डा मुनाङपेलका हुप्‍डु़म मु़चु़ जो़होमका सस्‍ताम बाइडा। गु उ ननुङमा दु़म्‍साका मेरामका ये फस्‍तामा येशूकु खेल फार्डा गन्‍तासिट्‍डाम ल्‍वाम्‍डी, मा मेर्मिम ङिम्‍डी।

थु़र्मा 3:8

मेराम हुचिबक्‍तामा येम्‍स्‍ता, मा लाम्‍दिमु चो़म्‍डु़। मेकोतिमा लाम्‍दित्तो, प्रोक्‍तो, माम्‍चु़नीकु नङ कोक्‍तो मेर्चिपनुङ ङा सो़रनेमगोनो हुङडा।

थु़र्मा 19:15

कोलेम मुनाङपेलका मेर्मिमनुङ र्‍वाक्‍ता, “येशू छेपु, मा पावल वो छेपु, सु़ गानी?”

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

२ पत्रुस 2:19

मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।