थु़र्मा 19:13 - थुलुङ राई

¹³ मुनाङ पेल कोल्‍पा कोङ-कोङ यहूदीमिम वो होनो आथो़ खिर्सिक्‍तो ङाचो़ येशूकु नङ रसाका मु़चु़मिमलाम मुनाङपेलमिम कोल्‍मु माल्‍मिडी। मेर्मिमका मुनाङ पेललाई “पावलका जेस्‍ताम मेराम ङा येशूकु नङडा गो गानालाई र्‍वाङु, लुकामा लक्‍सा” बेम्‍डी।

थु़र्मा 19:13 Referans Kwoze

मत्ती 12:27

मेम्‍साकाङा गो बालजिबुलकु यु़मका मुनाङ कोलु माला इनीमा मु़चु़मिमका सु़कु यु़मका मुनाङ कोल्‍मी? मेम्‍मिमका गानी ल्‍वा ख्‍लो़ट्‌निम बु र्‍वाक्‍पा मेर्मिमका रेम्‍बोमी।

मर्कूस 9:38

यूहन्‍नाका गुमीनुङ र्‍वाक्‍ता, “रब्‍बी, कोले मु़चु़का इनी नङडा मुनाङ कोल्‍लु़म गुकु ल्‍वात्तोको। मेकोतिमा गुकु मेरामलाई मेम बोमु मेग्‍वाक्‍कुवा, हेङालोने मेराम गुइनुङ लाम्‍दिपागोडाम मेबायावा।”

लूका 11:19

गो बालजिबुलकु यु़मका मुनाङपेल कोलु माला, इनी मु़चु़मिमका सु़कु नङडा मुनाङ कोल्‍मी? ओरामलामका ङा गानी इनी नडा ख्‍लो़ट्‌निम बु र्‍वाक्‍पा मेर्मिमका रेम्‍बोमी।

लूका 9:49

मेकोतिमा यूहन्‍नाका र्‍वाक्‍ता, “ङाचो़, कोले मु़चु़का इनीमा नङडा मुनाङपेलमिम कोल्‍तोङा लेड्‌डु़म गुकु डार्तोको। लावो गुकु मेराम मु़चु़लाई मेम बोमु मेग्‍वाक्‍कुवा। हेङालोने मेराम मु़चु़ गुइनुङ लाम्‍दिपामिमगोडाम मेएँ।”

मर्कूस 5:7

मेकोतिमा मेरामका डोक्‍पु लो़लामका येत्तोङा र्‍वाक्‍ता, “खोत्‍लेडलाम साखामनुङमा माम्‍चु़नीकु चो़ येशू, गानी गोलाई हाम बोमु माल्‍ङिनिमिम? गो माम्‍चु़नीकु नङडा र्‍वाङु, गोलाई दु़खा मेग्‍वाङनी।”

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

थु़र्मा 19:14

स्‍केवास र्‍वाक्‍मा कोङ यहूदी ङाउ डु़म्‍लाचो़कु येतले तारापाचो़मिमका वो आरे बेम्‍थाल्‍मिडी।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!