11 पावललामका माम्चु़नीका छो़म डोक्पु यु़मखारी बेम्डी,
थु़र्मामिमकु ल्वालामका हापा छेखोपमिम नुङ यु़मखारीमिम मु़चु़मिमगोडा दु़म्मु चो़म्डु़, मा थो़रलु़पा खोत्लेङा ‘सोलोमनकु डोक्पु पिन्दी’ र्वाक्माडा खोम्सिम्डिम बाइडा।
माम्चु़नीका वो छेखोपमिम, हापा खालकाम हेल्लो वो मेल्वाम्मा खारीमिम नुङ यु़मनुङमा खारीमिम रेम्बेसाका, मा उनी नकाङा मेर्मिमलाई दो़म्साम्डिम माम्चु़नी-पेलकु राप्लावामिमलाम ओराम ल्वा आच्छाङा र्वाक्साका रेम्बेम्डी।
सिमोनका वो थो़रबु़डु़मा कु-रु़दु़म रङडु़। मेकोतिमा गु हेल्लो लोवो फिलिपनुङ लाम्दिथाल्ला। फिलिपका बु़डु़म यु़मखारीमिम नुङ हेल्लो वो मेल्वासु़वाम खारीमिम ल्वास्तु़मा ङाङाया दु़स्थाल्ला।
मेरामका हापा थारीसम्म आरेङा बु़डु़होम बाइडा। मेकोतिमा उ र्वा ओड्डामा पिख्लोसित्तो पावलका मे मुनाङपेललाई र्वाक्ता, “येशू ख्रीष्टकु नङडा गो र्वाङु, गाना मेरामलामका लुक्ल्याडा।” मेकोतिलोङा मेराम मुनाङपेल लुक्तामा लस्ल्याड्डा।
माम्चु़नीका गानीलाई माम्चु़नी-पेल ग्वानिमी मा गानीगोडा हेल्लो वो मेल्वाम्मा यु़मखारीमिम बोमी, हाम ओर्मिम खोत्ले गानी डु़म्ला होम्साका खारी बेन्निमका आरे बेम्डिम डे, गानी थो़न्निम जो़पा-सेलाडा थो़र लु़न्निमका डे?
वाङसामामिमगोडा माम्चु़नीका पावल नुङ बारनाबासलामका हेल्लो वो मेल्वामिवाम खारीमिम नुङ छेखोपमिम रेम्बेम्डिम ल्वा मेर्चिपका सो़च्ची। घ्रो़म्दीडा रोम्डिम खोत्ले मु़चु़मिम लिबा बाम्डिमा मेर्मिमका ओराम ल्वा जो़होमका थो़म्डी।
मेसिन्डा पावल नुङ बारनाबास येशूकु दुथाममिम सिजेम मेङिसाका जेत्तो हापा ङा बाच्ची। मेम्मा येशूका मेर्चिपलाई उनीमा यु़म ग्वाम्डी। मेलामका हेल्लो वो मेल्वामिवाम खारीमिम नुङ छेखोपमिमका मेर्चिपका जेच्चिम दिदामकु सिजेम आच्छाङा र्वाक्पा रेम्बेम्डी।
“आच्छाङा गो गानीलाई र्वाङु, उहेमका गोडला थो़र बु़, मेरामका गो बेउतोम होप्माम खारी बु़। मेम्मा मेरामडाम वो डोक्पु खारी बु़, हेङालोने गो पापकाडा लक्तोङा बेउ।
