थु़र्मा 19:10 - थुलुङ राई

¹⁰ नक थसम्‍म आरेसाकाङा दोस्‍ताम बाइडामका एशियाडा बाट्‌पामिम खोत्‍ले यहूदीमिम नुङ ग्रीकमिमका येशूकु दुथाममिम सिजेम थो़म्‍डी।

थु़र्मा 19:10 Referans Kwoze

थु़र्मा 20:31

मेम्‍मिमका ओराम ल्‍वा मिम्‍निमा चङचङया बानी वो! गो हेसाका सु थसम्‍म नेम्‍फु-सिन्‍था ख्राप्‍तो खोत्‍ले मु़चु़मिमलाई चङचङया बाबेत्तोमिम बाइडा।

२ तिमोथी 1:15

एशियाडा बाट्‌पा हापा मु़चु़मिमका गोलाई ङेट्‌ङिडिमिम गाना चनामिमङा बु। मेर्मिमगोडाम फुगेलस नुङ हर्मोगेनस सो़।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

थु़र्मा 16:6

माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।

थु़र्मा 20:18

मेर्मिम पावलकाडा रोम्‍फाम्‍डी, मा पावलका मेर्मिमनुङ र्‍वाक्‍ता, “एशियाडा रोङडोम नेमलो आथाम खोत्‍ले थारीका गानीनुङ गो हेसाका बाङडो, मेराम ने गानी चनिमिम ङा बु।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 18:11

मेकोतिमा पावल कोरिन्‍थ शहरडा माम्‍चु़नीकु सिजेम सीत्तो को-लेत (१८) मुनामसम्‍म मेर्मिमनुङ बाइडा।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

थु़र्मा 2:9

गुइ आसिन्‍डा पार्थीमिम, मादीमिम, एलामीमिम, मा मेसोपोटामियाडाम, यहूदियाडाम, कापाडोकियाडाम, पोन्‍टसडाम नुङ एशियाडा बाट्‌पा बुइ।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

थु़र्मा 13:12

मेसिन्‍डा हाम दु़स्‍ताम मेराम ल्‍वास्‍तु़मा मे साखामचो़का येशूडा थो़र बु़डु़, हेङालोने माम्‍चु़नीकु सीसिडा गु छो़म ङाङाया दु़स्‍ताम बाइडा।

थु़र्मा 19:20

आरेसाका माम्‍चु़नीकु सीसि यु़मनुङमा दु़म्‍साका फोन्‍सिक्‍तो नुङ बर्तो लस्‍ता।