थु़र्मा 19:1 - थुलुङ राई

¹ अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

थु़र्मा 19:1 Referans Kwoze

१ कोरिन्थी 16:12

ल्‍वाक अपोल्‍लोसकु दुथाम ने गो र्‍वाङु, वाङमिम वा-ल्‍वाकमिमनुङ कोयो इनीमाडा लक्‍नी र्‍वाक्‍साका गुलाई छो़म र्‍वाङ्‌डोम बाइडा। गु ओम्‍लो इनीमाडा रोमु नङा मेबु़वा, लावो उमा लागि जो़पा थारी दु़म्‍लो इनीमाडा रो।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

थु़र्मा 19:26

लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

थु़र्मा 20:18

मेर्मिम पावलकाडा रोम्‍फाम्‍डी, मा पावलका मेर्मिमनुङ र्‍वाक्‍ता, “एशियाडा रोङडोम नेमलो आथाम खोत्‍ले थारीका गानीनुङ गो हेसाका बाङडो, मेराम ने गानी चनिमिम ङा बु।

थु़र्मा 21:29

हेङालोने एफिससलामका रोक्‍पा वाङसामा त्रोफिमसलाई मेर्मिमका पावलनुङ कोयोङा शहरडा बाच्‍चिम ल्‍वाम्‍डिम बाइडा, मा पावलका मेरामलाई सो़रनेमगोनो रेड्‌डु़ र्‍वाक्‍पा मिम्‍मिडिम बाइडा।

१ कोरिन्थी 4:6

वा-ल्‍वाकनी, गो गानीलाई “जो़होमका बुमु बासी” र्‍वाक्‍साका र्‍याक्‍मा ल्‍वा थेसीथेन्‍बेन्‍मु लागि आमा नुङ अपोल्‍लोसकु दुथाममिम ल्‍वा गो सो़उतोम बु। आरेसाका कोले कोङमीलाम बासिक्‍साका कोङमीलाई छेमछेम दुमु जो़पा मेएँ।

१ कोरिन्थी 15:32

सिपा मु़चु़ सिमुलाम मेबगे माला सो़प्‍दीडाम हादीबारामिमनुङ होङङा एफिसस शहरडाम मु़चु़मिमनुङ क्‍वाल्‍बा बेउतोमका गोलाई हाम जो़पा दु़स्‍ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्‍वाक्‍मा होङङा बिइलो नु़।

१ कोरिन्थी 16:8

पेन्तिकोसकु चाडसम्‍म गो आसि एफिससडाङा बुङु,

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।