थु़र्मा 18:7 - थुलुङ राई

⁷ मेकोतिमा पावल मेलामका लुक्‍तामा घ्रो़म्‍दीनेमकु फार्डा बाट्‌पा माम्‍चु़नीकु सो़रलोले बेपा तीतस युस्‍तसकु नेमडा लस्‍ता।

थु़र्मा 18:7 Referans Kwoze

थु़र्मा 16:14

मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

कलस्‍सी 4:11

युस्‍तस र्‍वाक्‍मा येशूका वो गानीलाई सेव र्‍वाक्‍ताम बु। माम्‍चु़नीकु किब्‍दीकाम लागि गोनुङ खारी बेपामिमडा थो़र लु़पा यहूदीमिम ओर्मिम सुले कोङङा सो़। ओर्मिमका गोलाई भ्रसिबेट्‌ङिडिमिम बु।

थु़र्मा 17:4

मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।

थु़र्मा 13:42

पावल नुङ बारनाबास मे घ्रो़म्‍दीनेमलामका लुक्‍चिमा लमु खाप्‍चिलो रोक्‍पा ङेम्‍सिमुनेम वो ओर्मिम ल्‍वा थो़बेट्‌किनी र्‍वाक्‍साका मु़चु़मिमका मेर्चिपनुङ र्‍वाम्‍डिम-र्‍वाम्‍डिम ङा बेम्‍डी।

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

यूहन्‍ना 9:31

माम्‍चु़नीका छु़लचो़मिमकु ल्‍वा मेथो़मी र्‍वाक्‍साका गुइ च। माम्‍चु़नीकु न होम्‍साका उनीमा लाम्‍दीडा लाम्‍दिपा मु़चु़कु ल्‍वा गुमीका थो़मी।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।