थु़र्मा 18:6 - थुलुङ राई

⁶ लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

थु़र्मा 18:6 Referans Kwoze

थु़र्मा 13:51

मेम्‍मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्‍ची, मा आइकोनियन शहरथो़ लक्‍ची।

१ पत्रुस 4:4

मेर्मिमका बोमिमिम होप्‍माम मेजो़पा गानी मेबोनिमिम ल्‍वासाका मेर्मिम ङाङाया दु़म्‍मी। मेम्‍मा मेर्मिमका गानीलाई डक्‍साका जेमी।

लूका 9:5

कोङनिम शहरडाम मु़चु़मिमका गानीलाई हुनाखाना मेबोनिमी माला गानी मेराम शहरलाम लुनिलो मेर्मिमका देन्‍दे ल्‍वामी र्‍वाक्‍साका रेम्‍बोमु इनी फेमखेलडाम फुर्कु थेम्‍जो़ल्‍नी।”

मत्ती 27:25

खोत्‍ले मु़चु़का र्‍वाम्‍डी, “गुलाई सेट्‌माकु मुमा-तामा गुकु नुङ आकी चो़-चु़सु़डला बुसिनु़।”

१ पत्रुस 4:14

ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

रोमी 3:29

हाम माम्‍चु़नी यहूदीमिमकाम कोङङा मा? वाङसामामिमकाम माम्‍चु़नी मेएँ मा? गुमी वाङसामामिमकाम वो माम्‍चु़नी सो़।

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

थु़र्मा 26:20

ङादो दमस्‍कसडा, मा यरूशलेमडा मा खोत्‍ले यहूदिया नेब्‍दीडा बाट्‌पामिमलाई, मा वाङसामामिमलाई वो इनीमा छु़ल इनीमा न-गोलामका मिम्‍सिट्‌निमा माम्‍चु़नीडा ख्‍लोन्‍सिट्‌नी, मा मेराम ल्‍वा इनीमा खारीडा रेम्‍बेनी बेउतोमी।

थु़र्मा 26:11

मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

मत्ती 22:10

मेकोतिमा डु़ल्‍चो़मिम लाम्‍दीबाडे लम्‍डी, मा मेर्मिमका डार्मिडिम जो़पा मेजो़पा खोत्‍ले मु़चु़लाई खोप्‍मिडी। मेम्‍मा बोच्‍चो़मिमका लालीकुन्‍दा दु़स्‍ताम नेम देम्‍स्‍ता।

मत्ती 10:14

कोङनिम मु़चु़का गानीलाई हुनाखाना मेबेनिमिवा, गानी र्‍वानिमिम मेथो़मिवा माला मेराम नेम, शहरलामका लुनिलो इनी खेलडाम फुर्कु थेम्‍जो़ल्‍नी।

लूका 22:65

मेकोतिमा मेर्मिमका गुमीलाई वाङमिम हापा ल्‍वालामका डक्‍साका जेम्‍डी।

मत्ती 21:43

“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

मत्ती 21:41

यहूदीमिमकु ङाउमिमका गुमीलाई र्‍वाम्‍डी, “गु रोमा मे बोम्‍था बेपा मेजो़पा मु़चु़मिमलाई सेडु़मी, मा अङ्‍गूर थोमिम थारीका दो़दो़वा गुलाई ग्‍वाक्‍पा बोम्‍था बेपा कोङमी मु़चु़मिमलाईङा उ अङ्‍गूर ये ग्‍वाकु़मी।”