Biblia Todo Logo
Bib sou entènèt

- Piblisite -




थु़र्मा 18:3 - थुलुङ राई

3 हेङालोने पावल वो मेर्चिप होप्‍माम ङा पाल बनेबेपा मु़चु़ बाइडा, गु मेर्चिपनुङ बासाका कोयोङा खारी बु़डु़।

Gade chapit la Kopi




थु़र्मा 18:3
13 Referans Kwoze  

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।


आकी पोमु-डुमुकाम लागि आकी त्‍वाकु ल्‍वाका ब्राम्‍दु़ल्‍वा बोकु। मु़चु़मिमका वाइतो बेन्‍किमिलो गुकु जि-वा ग्‍वाकु। मु़चु़मिमका आकी थो़मतेर्मिलो इम्‍सिन्कु।


गो गानीनुङ बाङडोलो खेरेखेरे दु़म्‍ङोडोम बाइडा, लोवो गानी सु़लाई वो दु़खा मेग्‍वाक्‍निनिवा। गो खेरेखेरे दु़म्‍ङोडोलो माकेडोनिया क्षेत्रलामका रोक्‍पा थो़रलु़पामिमका गोलाई हाम चाहेदु़स्‍ताम मेराम ग्‍वाङ्‌डिमी। मेम्‍मिमका ओराम ल्‍वाडा गो गानीलाई हेल्‍लो वो दु़खा मेग्‍वानिनिवा मा दिफु वो दु़खा मेग्‍वानिनी।


गोलाई वाङमिम मण्‍डलीमिमका ख्‍लो़मु लागि ग्‍वाङ्‌डिमिम खउलुङ गो रउतो, लावो गानीनुङ ख्‍लो़ला मेसो़सिक्‍ङुवा। खउलुङ मेरउवा। गानीनुङ ओराम ल्‍वाडाम वाङमिम मेजो़पा बासी-दोसी हाम बेउतो मा? ओराम गो ख्‍लो़त्तोम ङा र्‍वाक्‍पा गानी मिम्‍नी माला गोलाई पाचो ग्‍वाङनिनी!


माम्‍चु़नीकु जो़पा-सेला गानीलाई हाम वो मेरसाका मेडेङा थो़बेट्‌निनिमा गो आ त्‍वाप याक्‍के दु़म्‍ङोडो मा गानीलाई डोक्‍पु दु़म्‍बेट्‌निनी। हाम आरे बेउतोमका गो छु़ल बेउतो?


मेम्‍साकाङा उहेमका जो़पा-सेला थो़बेन्‍मी, मेलामकाङा मेर्मिम डु़ल्‍सिमिनु़ र्‍वाक्‍साका ङाचो़ येशूका वो र्‍वाम्‍डी।


लावो गो ल्‍वामु बासिक्‍पा ओर्मिम ल्‍वामिम कोले वो रउतोम मिबु, मा आमा लागि आरेप्‍मामङा बेङसाङनी र्‍वाक्‍साका गो ओर्मिम ल्‍वा र्‍याक्‍तोम मेएँ। ओर्मिम ल्‍वामिम हाम वो मेरसाका ङाचो़कु लाले पाङके बोमु आमा लागि धक्‍ची ह्‌वामु सो़, मेराम धक्‍ची ह्‌वामुलाई कोङनिमका भोम्‍मी माला ने आमा लागि सिमुङा जो़पा दु़म।


मेम माला गो हाम ल्‍वाउ? सु़नुङ वो खउलुङ मेरसाका जो़पा-सेला थो़बेन्‍मु ङा जि ल्‍वापा ल्‍वा सो़। मेम्‍मिमका जो़पा-सेला थो़बेट्‌पुमिलो गो ल्‍वामु बासिक्‍पा हेल्‍लो वो मेबिउ।


ङादो गुकु गानीलाई र्‍वाक्‍तोकोम होङङा लिवा बानी, त्‍वाकु खारी मिम्‍पा दु़म्‍नी, त्‍वाकाम लागि त्‍वाकाङा खारी बेनी।


Swiv nou:

Piblisite


Piblisite