Biblia Todo Logo
Bib sou entènèt

- Piblisite -




थु़र्मा 18:26 - थुलुङ राई

26 अपोल्‍लोस घ्रो़म्‍दीनेमडा मेङिसाका जेमु चो़म्‍डु़। गुका जेस्‍ताम ल्‍वा प्रिस्‍किला नुङ अकिलासका थो़च्‍ची, मा गुलाई उची नेमडा येट्‌ची। मेकोतिमा मेर्चिपका गुलाई माम्‍चु़नीकु लाम्‍दीकु दुथाममिम ल्‍वामिम मेरामडाम वो जो़होमका सीट्‌ची।

Gade chapit la Kopi




थु़र्मा 18:26
23 Referans Kwoze  

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,


मिक्‍सीका ल्‍वालाई “गाना गोलाई मेबासी” र्‍वामु मेचाप्‍सु़, मा बुइका वो खेललाई “गाना गोलाई मेबासी” र्‍वामु मेचाप्‍सु़।


गुका ङाचो़काम लाम्‍दीकु दुथाम जो़होमका थेड्‌डु़म बाइडा, मा गुका थेड्‌डु़म येशूकु दुथाममिम ल्‍वा वाङमिमलाई वो उ सो हन्‍तो जो़होमका सीथाल्‍लु़मी। लावो यूहन्‍नाका सीड्‌डु़मिम कु-रु़दु़मकु दुथाम कोङङा गुका चडु़म बाइडा।


मेसिन्‍डा पावल नुङ बारनाबास येशूकु दुथाममिम सिजेम मेङिसाका जेत्तो हापा ङा बाच्‍ची। मेम्‍मा येशूका मेर्चिपलाई उनीमा यु़म ग्‍वाम्‍डी। मेलामका हेल्‍लो वो मेल्‍वामिवाम खारीमिम नुङ छेखोपमिमका मेर्चिपका जेच्‍चिम दिदामकु सिजेम आच्‍छाङा र्‍वाक्‍पा रेम्‍बेम्‍डी।


लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।


सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।


मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।


गुका र्‍वाक्‍ता, “कोङनिमका गोलाई मेसीथु़म ने ओराम गो हेसाका थेसिथेट्‌पु मा?” मेकोतिमा गुका फिलिपलाई उ त्‍वापनुङ गन्‍मु रथडला येड्‌डु़।


कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।


मेकोतिमा येशूका मोशा नुङ माम्‍चु़नीलाम-जेपामिमका खोत्‍ले माम्‍चु़नीकु सिजेमडा येशूकु दुथाम र्‍याम्‍डिम खोत्‍ले ल्‍वा मेर्चिपलाई थेसिथेन्‍बेट्‌मिडी।


“हपका र्‍वाक्‍ता, ‘गो गानीलाई र्‍वाङु, उहेम मु़चु़का मेर्मिमलाई ग्‍वाक्‍मा खारी जो़होमका बोमी, मेर्मिमका आथावो हापा डार्मी, लावो उहेम मु़चु़का हाम वो मेबोमी मेर्मिमकाडा बाट्‌पा याक्‍के वो रोन्‍ला सो़म्‍सिमी।


आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”


उहेम मु़चु़का “गो कोङनिम ल्‍वा थेट्‌पु” र्‍वाक्‍पा मिम्‍सी, गुका थेन्‍मु बासिक्‍पा ल्‍वा आथावो मेथेथिङा बुमिम दु़म।


मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।


पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।


Swiv nou:

Piblisite


Piblisite