Biblia Todo Logo
Bib sou entènèt

- Piblisite -




थु़र्मा 18:25 - थुलुङ राई

25 गुका ङाचो़काम लाम्‍दीकु दुथाम जो़होमका थेड्‌डु़म बाइडा, मा गुका थेड्‌डु़म येशूकु दुथाममिम ल्‍वा वाङमिमलाई वो उ सो हन्‍तो जो़होमका सीथाल्‍लु़मी। लावो यूहन्‍नाका सीड्‌डु़मिम कु-रु़दु़मकु दुथाम कोङङा गुका चडु़म बाइडा।

Gade chapit la Kopi




थु़र्मा 18:25
27 Referans Kwoze  

मेकोतिमा पावलका मेर्मिमनुङ र्‍वाक्‍ता, “मा हेप्‍माम रु़दु़म रन्‍नी?” मेर्मिमका र्‍वाम्‍डी, “यूहन्‍नाकु कु-रु़दु़म रत्तोको।”


इनी सो हन्‍बेसाका खारी बेनी, भ्रेपा मेदु़म्‍नी। इनीमा न-गोलामङा सो हन्‍बेसाका ङाचो़कु खारी बेनिम बानी।


मेराम थारीबिलि ङा एफिसस शहरडा ख्रीष्‍टकु लाम्‍दीकु दुथाम छो़म येम्‍डी-दुम्‍डी।


लावो कोङ-कोङका लुङ होप्‍माम उनी न-गो बेम्‍डिमा थो़र मेलु़साका माम्‍चु़नीकाम सिजेमकु कोर्थो़लाम खोत्‍लेकु ङादोडा मेजो़पा जेमु चो़म्‍मिडी। मेम्‍मिमका पावल सीसिपामिमनुङ मेलामका लुक्‍ल्‍याड्‌डा, मा टुरान्‍नसकु सीखोप नेमगोडा लक्‍साका हेल्‍लो लोवो सीथाल्‍लु़मी।


मा येशूडा थो़रलु़पामिम वोस्‍चो़-मेसेम उहेम डार्सु़मी, मेर्मिम खोत्‍लेलाई चु़म्‍मुमा यरूशलेमडा रेन्‍मु ल्‍वाउनु़ र्‍वाक्‍साका दमस्‍कस शहरडाम घ्रो़म्‍दीनेममिमनुङ सेलाखाजेम र्‍याला सो़सिड्‌डा।


मेर्मिम उनीमाडा रोम्‍डिमा गुमीनुङ र्‍वाम्‍डी, “ङाचो़, गानी आच्‍छाङाकाम बुनी, मा सु़कामथो़ वो न मेसोनी र्‍वाक्‍पा गुकु चकु, हेङालोने गानी ङाली रेप्‍साका खारी मेबोनी, लावो माम्‍चु़नीकु लाम्दी आच्‍छाङा जो़होमका सो़नी। सो़नीका, कैसरलाई कर सोक्‍सी नु़ डे मेनु़?


मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।


सेनाडा भर्ती दु़म्‍पा सिपाहीका वाङमिम खारी बेसाका नेम मेताडु़, हेङालोने गुलाई भर्ती बेपा डोक्‍पु मु़चु़लाई गेर्सिबेन्‍मुङा गुका मालु़मिम दु़म।


मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”


मेम्‍मा र्‍वाक्‍ता, “गाना मुनाङकु चो़, जो़पा ल्‍वामिम खोत्‍लेकु स्‍वाक्‍चिमो, खोत्‍ले मेजो़पा खारी बेपा नुङ छो़म लिमाचो़ बुना। हाम गाना माम्‍चु़नीकु जो़पा लाम्‍दी फाल्‍मु हेल्‍लो वो मेडिना?


खोत्ले मु़चु़मिम नुङ कर फक्‍पामिम वो येशूकु ओराम ल्‍वा थो़म्‍डिमा माम्‍चु़नीकु लाम्‍दी जो़पा र्‍वाक्‍साका रम्‍डी। हेङालोने मेर्मिमका यूहन्‍नालामका कु-रु़दु़म रम्‍डिम बाइडा।


कोङ लो़लाम राङ-राङयालामका ये, “माम्‍चु़नीकु लाम्‍दी ख्‍लुनी, मा उनी लाम धानी।”


आथा ओराम खाजेम डानिमा गानीलाई सीट्‌मा ल्‍वामिम हाङको आछाङाकाम रेछा र्‍वाक्‍पा गानी चनी।


अपोल्‍लोस घ्रो़म्‍दीनेमडा मेङिसाका जेमु चो़म्‍डु़। गुका जेस्‍ताम ल्‍वा प्रिस्‍किला नुङ अकिलासका थो़च्‍ची, मा गुलाई उची नेमडा येट्‌ची। मेकोतिमा मेर्चिपका गुलाई माम्‍चु़नीकु लाम्‍दीकु दुथाममिम ल्‍वामिम मेरामडाम वो जो़होमका सीट्‌ची।


Swiv nou:

Piblisite


Piblisite