थु़र्मा 18:24 - थुलुङ राई

²⁴ मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

थु़र्मा 18:24 Referans Kwoze

तीतस 3:13

वकील जेनास नुङ अपोल्‍लोस लाम्‍दिचिलो खोत्‍ले ल्‍वाडा इमा चाप्‍सी ख्‍लो़याची। मेम्‍मा मेर्चिपलाई हामकाम वो खेरेला मेदु़म्‍नु़।

१ कोरिन्थी 4:6

वा-ल्‍वाकनी, गो गानीलाई “जो़होमका बुमु बासी” र्‍वाक्‍साका र्‍याक्‍मा ल्‍वा थेसीथेन्‍बेन्‍मु लागि आमा नुङ अपोल्‍लोसकु दुथाममिम ल्‍वा गो सो़उतोम बु। आरेसाका कोले कोङमीलाम बासिक्‍साका कोङमीलाई छेमछेम दुमु जो़पा मेएँ।

१ कोरिन्थी 16:12

ल्‍वाक अपोल्‍लोसकु दुथाम ने गो र्‍वाङु, वाङमिम वा-ल्‍वाकमिमनुङ कोयो इनीमाडा लक्‍नी र्‍वाक्‍साका गुलाई छो़म र्‍वाङ्‌डोम बाइडा। गु ओम्‍लो इनीमाडा रोमु नङा मेबु़वा, लावो उमा लागि जो़पा थारी दु़म्‍लो इनीमाडा रो।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

२ कोरिन्‍थी 10:10

“पावलकु सेलाखाजेममिम ङिम लु़पा नुङ आच्‍छाङा नडा लक्‍पा बु, लावो गु उ त्‍वाप रोलो ने हाम वो बोमु मेचापा मा मेरामकु सिजेम हाम ना हामकाम दु़म” र्‍वाक्‍साका कोङ-कोङका र्‍वामी।

थु़र्मा 27:6

मेसिन्‍डा कप्‍तान युलियसका अलेक्‍जेन्‍ड्रिया शहरलामका इटालिया नेब्‍दी लक्‍पा कोङ डोक्‍पु कुबी-बोक्‍सा डार्स्‍तु़मा मेरामडा गुकुलाई थु़र्सोक्‍तिकी।

थु़र्मा 7:22

मिश्रा नेब्‍दीडाम मु़चु़मिमका थेट्‌मिडिम खोत्‍ले ल्‍वा मोशालाई सीट्‌मिडी, मा मोशा जेमुडा नुङ खारी बोमुडा नेप्‍चीनुङमा दु़स्‍ता।

लूका 24:19

गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।

मत्ती 13:52

मेकोतिमा गुमीका मेर्मिमलाई र्‍वाम्‍डी, “पाह्री-किब्‍दीकु दुथाम सीसिपा डु़म्‍ला सीपा खोत्‍ले मु़चु़ कोले नेमहप होप्‍मामङा सो़, उहेमका उ छेदेनेमलामका माकेम नुङ हापा थिकाम लाले सोजाम ख्‍लुकु़मी।”

थु़र्मा 18:28

हेङालोने गुका माम्‍चु़नीकु सिजेमलामका जेस्‍तामा येशू ङा ख्रीष्‍ट र्‍वाक्‍पा ल्‍वा रेम्‍बु़डु़, मा यहूदीमिमलाई खोत्‍लेकु ङादोडा ल्‍वालाम खाल्‍तो हाम र्‍वामु-र्‍वामु दु़म्‍बेड्‌डु़मी।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।