थु़र्मा 18:22 - थुलुङ राई

²² पावल कैसरियाडा रोक्‍फाड्‌डामा यरूशलेमथो़ लस्‍ता। मेम्‍मा मेसिन्‍डाम थो़रलु़पामिमनुङ सेव साबेम्‍डिमा गु एन्‍टिओखिया शहरथो़ लस्‍ता।

थु़र्मा 18:22 Referans Kwoze

थु़र्मा 8:40

लावो फिलिप ने अश्‍दोद र्‍वाक्‍मा शहरडा रोक्‍फाड्‌डा। मेम्‍मा कैसरिया मेरोक्‍थिट्‌थु़म खोत्‍ले शहरडा येशूकु दुथाममिम जो़पा-सेला थो़बेत्तो लस्‍ता।

थु़र्मा 25:9

किब्‍दी साखामचो़ फेस्‍तसका यहूदीमिमलाई गेर्सिबेन्‍मु नका पावललाई र्‍वाक्‍ता, “हाम गाना यरूशलेमडा लमुमा मेसिन्‍डा आमा ङादोडा ओर्मिम ल्‍वाकु दुथाम निया दु़म्‍नु़ र्‍वाक्‍पा न बोना?”

थु़र्मा 25:1

किब्‍दी साखामचो़ फेस्‍तस जिल्‍लाडा रोक्‍ताम सुलेम चङडा कैसरिया शहरलामका यरूशलेम लस्‍ता।

थु़र्मा 23:23

मेकोतिमा मे कमाण्‍डरका कप्‍तानमिमगोडाम नलेलाई येड्‌डु़ची मा आरे बु़डु़ची, “आनेप सिन्‍था गु (९) जेमिम थारीका न सङ (२००) सिपाहीमिम, येत धु़म (७०) घोडाडला हुपा सिपाहीमिम मा नक सङ जाते जेट्‌पा सिपाहीमिमलाई कैसरियाथो़ लमु रेट्‌जो़ल्‍ची।

थु़र्मा 15:35

पावल नुङ बारनाबास वाङमी हापा मु़चु़मिमनुङ येशूकु दुथाममिम जो़पा-सेला सीत्तो नुङ सो़त्तो एन्‍टिओखिया शहरडा बाच्‍ची।

थु़र्मा 15:30

यरूशलेमलामका ब्‍र्‍वाम्‍सिम्‍डिम मे ब्‍लले मु़चु़मिम एन्‍टिओखिया शहरयु़ योम्‍डी। मेकोतिमा मेर्मिमका मण्‍डलीडाम खोत्‍ले थो़रलु़पामिम कोदेप येट्‌मिडिमी, मा मेर्मिमलाई मे सेलाखाजेम ग्‍वाम्‍डी।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 14:26

अटालियालामका डोक्‍पु कुबी-बोक्‍साडा हुच्‍चिमा मेर्चिप एन्‍टिओखिया शहरडा ख्‍लोसिक्‍ची। मेसिन्‍डाम थो़रलु़पामिमका पावल नुङ बारनाबासलाई माम्‍चु़नीकु दिदामडा जो़पा-सेला थो़बेड्‌डा थु़र्मिडिचिम बाइडा, मा मेराम खारी ओम्‍लो मेर्चिपका बोमु दु़म्‍ची।

थु़र्मा 13:1

एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।

थु़र्मा 11:11

मेकोतिलोङा कैसरियाडाम कर्नेलियसका थु़र्स्‍तु़म गो माल्‍तो रोक्‍पा सुले मु़चु़मिम गो बाङडोम नेम ङादोडा रोम्‍फाम्‍डी।

थु़र्मा 10:24

उ नहाद्‌दामनेम मेर्मिम कैसरियाडा रोम्‍फाम्‍डी। मेसिन्‍डा कर्नेलियसका उ त्‍वाकु मु़चु़मिम नुङ गुनुङ छो़म दु़पा ङोप्‍सो़मिम येड्‌डु़मिमा मेर्मिमलाई लथाड्‌डु़मिम बाइडा।

थु़र्मा 10:1

कैसरिया शहरडा कर्नेलियस नङकाम कोले मु़चु़ बाइडा। गु इटालिया र्‍वाक्‍मा पल्‍टनडाम कोङ कप्‍तान बाइडा।