थु़र्मा 18:21 - थुलुङ राई

²¹ मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 18:21 Referans Kwoze

१ कोरिन्थी 4:19

लावो माम्‍चु़नीका न बेम्‍डी माला गो इनीमाडा दालाङा रोङु, मा मे डोक्‍पु लिसिक्‍पा मु़चु़मिमका जेम्‍डिम ल्‍वा कोङङा मेएँ मेर्मिमकु यु़म हाम रेछा मेराम रेपु।

याकूब 4:15

मेम्‍मिमका गानी मेम मेर्‍वाक्‍साका आरे र्‍वामु बासिक्‍पा बाइडा, “माम्‍चु़नीका न बेम्‍डी माला गुइ जेडी, मा होप्‍माम-मेप्‍माम बिइ।”

हिब्रू 6:3

मेम्‍मा माम्‍चु़नीका न बेम्‍डी माला थेट्‌पा नुङ बोमु चापा सीसिथो़ लमु चाप्‍सी।

रोमी 15:32

मेम्‍मा माम्‍चु़नीकु न होम्‍साका गो इनीमाडा गेर्सी द्‍वाक्‍तो रोङु मा कोयो-कोयो न-गो भ्रसिक्‍तो बुइनु़ र्‍वाक्‍साका सो़म्‍दी बेनी।

रोमी 1:10

माम्‍चु़नीकु न होङङा गो इनीमाडा रोमु चापुनु़ र्‍वाक्‍साका छो़म सो़म्‍दी बेउ।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

१ पत्रुस 3:17

मेजो़पा खारी बेसाका दु़खा ल्‍वामुडाम जो़पा खारी बेसाका दु़खा ल्‍वामुङा माम्‍चु़नीका न बोमिमिम माला ओराम जो़पाङा सो़।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

१ कोरिन्थी 16:7

ओराम थारीका गानीनुङ घरिकोङ कोङङा घ्रो़म्‍साका लमु आमा न मिबु। ङाचो़कु न होङङा दु़स्‍ता माला इनीमाडा रोमुमा किचो़ हापाङा बुमु न बेउतोम बु।

थु़र्मा 21:14

पावललाई गुकु लेम्‍मु मेचाप्‍कुवा मा, “माम्‍चु़नीकु न होङङा दु़म्‍नु़” र्‍वाक्‍तोकोमा वाय-वाय बात्तोको।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”

लूका 9:61

कोले मु़चु़का गुमीनुङ र्‍वाक्‍ता, “ङाचो़, गो वो इनी चङचङ लाम्‍दिङु, लावो ङादो आमा नेमडाम मु़चु़मिमनुङ ब्‍र्‍वाम्‍सिमु ग्‍वाङनी।”

मत्ती 26:39

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”

मर्कूस 6:46

मे सेर्पा मु़चु़मिमनुङ ब्‍र्‍वाम्‍सिम्‍डिमा गुमी पोप्‍चङडला सो़म्‍दी बेप्‍डा लम्‍डी।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 18:20

मेर्मिमका पावललाई आथावो कोलेम-नलेम गुकुनुङ बानी र्‍वाम्‍डिम-र्‍वाम्‍डिमङा बेम्‍डी, लावो पावल मेबिसावा।

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

थु़र्मा 21:29

हेङालोने एफिससलामका रोक्‍पा वाङसामा त्रोफिमसलाई मेर्मिमका पावलनुङ कोयोङा शहरडा बाच्‍चिम ल्‍वाम्‍डिम बाइडा, मा पावलका मेरामलाई सो़रनेमगोनो रेड्‌डु़ र्‍वाक्‍पा मिम्‍मिडिम बाइडा।

१ कोरिन्थी 15:32

सिपा मु़चु़ सिमुलाम मेबगे माला सो़प्‍दीडाम हादीबारामिमनुङ होङङा एफिसस शहरडाम मु़चु़मिमनुङ क्‍वाल्‍बा बेउतोमका गोलाई हाम जो़पा दु़स्‍ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्‍वाक्‍मा होङङा बिइलो नु़।

१ कोरिन्थी 16:8

पेन्तिकोसकु चाडसम्‍म गो आसि एफिससडाङा बुङु,

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।