थु़र्मा 18:2 - थुलुङ राई

² गुका मेसिन्‍डा पोन्‍टसडा बाट्‌पा अकिलास र्‍वाक्‍मा यहूदीलाई डार्रु़। हप क्‍लौडियसका खोत्‍ले यहूदीमिमलाई रोमलामका लुनिमा लक्‍नी बु़डु़मिमका अकिलास उ नाइमे प्रिस्‍किलानुङ इटालियालामका रोक्‍चिम बाइडा। पावल मेर्चिपनुङ घ्रो़म्‍डा लस्‍ता,

थु़र्मा 18:2 Referans Kwoze

२ तिमोथी 4:19

प्रिस्‍किला, अकिलास नुङ ओनेसिफरसकु नेमडाममिमलाई आमा सेव र्‍वाङसाक्‍ङी।

१ कोरिन्थी 16:19

एशिया क्षेत्रडाम मण्‍डलीमिमका गानीलाई सेव र्‍वाम्‍डिम बु। अकिलास नुङ प्रिस्‍किलाका मा उची नेमडा खोम्‍सिक्‍पा मण्‍डलीका वो ङाचो़कु नङडा गानीलाई उनी न-गोलामका ङा सेव र्‍वाम्‍डिम बु।

थु़र्मा 18:26

अपोल्‍लोस घ्रो़म्‍दीनेमडा मेङिसाका जेमु चो़म्‍डु़। गुका जेस्‍ताम ल्‍वा प्रिस्‍किला नुङ अकिलासका थो़च्‍ची, मा गुलाई उची नेमडा येट्‌ची। मेकोतिमा मेर्चिपका गुलाई माम्‍चु़नीकु लाम्‍दीकु दुथाममिम ल्‍वामिम मेरामडाम वो जो़होमका सीट्‌ची।

थु़र्मा 11:28

मेर्मिमगोडाम कोले अगाबस र्‍वाक्‍माका येम्‍स्‍तामा खोत्‍ले सु़म्‍दिसेरडा ङा मा-के हुमुथारीकु दु़खा रो र्‍वाक्‍साका माम्‍चु़नी-पेललाम जेस्‍ता। मे मा-के हुमुथारीकु दु़खा रोमी हप क्‍लौडियसका साखाम थो़ड्‌डु़म थारीका दु़स्‍ता।

थु़र्मा 18:18

मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।

थु़र्मा 2:9

गुइ आसिन्‍डा पार्थीमिम, मादीमिम, एलामीमिम, मा मेसोपोटामियाडाम, यहूदियाडाम, कापाडोकियाडाम, पोन्‍टसडाम नुङ एशियाडा बाट्‌पा बुइ।

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।

थु़र्मा 27:1

दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।

थु़र्मा 27:6

मेसिन्‍डा कप्‍तान युलियसका अलेक्‍जेन्‍ड्रिया शहरलामका इटालिया नेब्‍दी लक्‍पा कोङ डोक्‍पु कुबी-बोक्‍सा डार्स्‍तु़मा मेरामडा गुकुलाई थु़र्सोक्‍तिकी।

हिब्रू 13:24

मण्‍डलीडाम खोत्‍ले ङाचो़मिम नुङ माम्‍चु़नीकु खोत्‍ले मु़चु़मिमलाई आकीमा सेव र्‍वाक्‍साट्‌किनी। इटालियालाम रोक्‍पा वा-ल्‍वाकमिमका वो गानीलाई सेव र्‍वाम्‍सोम्‍डिम बु।