थु़र्मा 18:19 - थुलुङ राई

¹⁹ मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 18:19 Referans Kwoze

२ तिमोथी 1:18

ख्रीष्‍ट योमिमिम थारीनेम ङाचो़का ओनेसिफरसडला न-थो़म रेम्‍बोमिनु़। एफिसस शहरडा गुका गुइलाई ख्‍लो़साड्‌डाम बाइडा र्‍वाक्‍पा ने गाना त्‍वाकाङा वो ल्‍वान्‍नाम बु।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

१ कोरिन्थी 16:8

पेन्तिकोसकु चाडसम्‍म गो आसि एफिससडाङा बुङु,

१ कोरिन्थी 15:32

सिपा मु़चु़ सिमुलाम मेबगे माला सो़प्‍दीडाम हादीबारामिमनुङ होङङा एफिसस शहरडाम मु़चु़मिमनुङ क्‍वाल्‍बा बेउतोमका गोलाई हाम जो़पा दु़स्‍ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्‍वाक्‍मा होङङा बिइलो नु़।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

२ तिमोथी 4:12

तुखिकसलाई गो एफिसस शहरडा थु़र्तोम बु।

थु़र्मा 19:26

लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 18:20

मेर्मिमका पावललाई आथावो कोलेम-नलेम गुकुनुङ बानी र्‍वाम्‍डिम-र्‍वाम्‍डिमङा बेम्‍डी, लावो पावल मेबिसावा।

थु़र्मा 19:28

ओराम थो़म्‍डिमा मेर्मिम उनी छोक्‍चोका प्‍लोडु़मी, मा “एफिसीमिमकु आर्तेमिस डोक्‍पु बुमी!” र्‍वाक्‍तो येम्‍डी।

थु़र्मा 19:35

चङडा शहरडाम सचिवका मे सेर्पा मु़चु़मिमलाई लिबा बाबेड्‌डु़मी, मा बु़डु़मी, “एफिससडाम मु़चु़नी, एफिसीमिमकु शहर ने घ्‍ल्‍वापा आर्तेमिसकु सो़रनेम नुङ धामुलाम आल्‍पा उ ङाटा जो़होमका बोपा-थार्पा र्‍वाक्‍पा ल्‍वा सु़का मेचवाम बु मा?

थु़र्मा 20:17

पावलका मिलेटसलामका एफिससडा बाट्‌पा मण्‍डलीडाम एल्‍डरमिम येड्‌डा मु़चु़मिम थु़र्डु़मी।

थु़र्मा 21:29

हेङालोने एफिससलामका रोक्‍पा वाङसामा त्रोफिमसलाई मेर्मिमका पावलनुङ कोयोङा शहरडा बाच्‍चिम ल्‍वाम्‍डिम बाइडा, मा पावलका मेरामलाई सो़रनेमगोनो रेड्‌डु़ र्‍वाक्‍पा मिम्‍मिडिम बाइडा।