थु़र्मा 18:18 - थुलुङ राई

¹⁸ मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।

थु़र्मा 18:18 Referans Kwoze

थु़र्मा 21:24

“लक्‍निमा गानी वो ओर्मिमनुङ कोयोङा सेपा दु़म्‍पा रु़दु़म बेनी, मा ओर्मिमलाई चाहेदु़म्‍पा खउलुङ ने गानी ङा सोन्‍साट्‌नी, मा ओर्मिमका उनी सेम खुर्मिनु़। आरेसाका गानी मोशाकु डु़म्‍ला होम्‍साका बोनिमिम ल्‍वामी, मा इनीमा दुथाम थो़म्डिम ल्‍वा आच्‍छाङा मेएँ रेछा र्‍वाक्‍पा खोत्‍लेका चमी।

१ कोरिन्थी 9:20

यहूदीमिमनुङ खारी बेउतोलो मेर्मिमका ख्रीष्‍टडा थो़र लु़मिनु र्‍वाक्‍साका गो यहूदीमिम होप्‍मामङा दु़म्‍ङोरो। गो डु़म्‍ला होम्‍साका मेदोपा लोवो डु़म्‍ला होम्‍साका दोपामिमलाई थो़र लु़बेन्‍मुमि लागि डु़म्‍ला होम्‍साका दोपा होप्‍मामङा दु़म्‍ङोरो।

रोमी 16:1

गो आकीमा रिचो़ ल्‍वाक फिबीनुङ छेबेनिनी, उहेमका किंक्रिया मण्‍डलीडा ख्‍लो़यु़मी।

थु़र्मा 18:2

गुका मेसिन्‍डा पोन्‍टसडा बाट्‌पा अकिलास र्‍वाक्‍मा यहूदीलाई डार्रु़। हप क्‍लौडियसका खोत्‍ले यहूदीमिमलाई रोमलामका लुनिमा लक्‍नी बु़डु़मिमका अकिलास उ नाइमे प्रिस्‍किलानुङ इटालियालामका रोक्‍चिम बाइडा। पावल मेर्चिपनुङ घ्रो़म्‍डा लस्‍ता,

गलाती 1:21

मेकोतिमा गो सिरिया नुङ किलिकिया इलाकाथो़ लङ्‌डो।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 21:3

साइप्रस टापु फार्डा रोक्‍फात्तोकोमा मेरामकु रायलालाम दु़म्‍साका सिरियालामका टुरोस शहरडा लुक्‍तोको। हेङालोने डोक्‍पु कुबी-बोक्‍साडाम मोमसोजाम मेसिन्‍डा पार्जो़ल्‍मु बासिक्‍पा बाइडा।

थु़र्मा 18:26

अपोल्‍लोस घ्रो़म्‍दीनेमडा मेङिसाका जेमु चो़म्‍डु़। गुका जेस्‍ताम ल्‍वा प्रिस्‍किला नुङ अकिलासका थो़च्‍ची, मा गुलाई उची नेमडा येट्‌ची। मेकोतिमा मेर्चिपका गुलाई माम्‍चु़नीकु लाम्‍दीकु दुथाममिम ल्‍वामिम मेरामडाम वो जो़होमका सीट्‌ची।

थु़र्मा 15:41

मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

मर्कूस 6:46

मे सेर्पा मु़चु़मिमनुङ ब्‍र्‍वाम्‍सिम्‍डिमा गुमी पोप्‍चङडला सो़म्‍दी बेप्‍डा लम्‍डी।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 18:27

मेकोतिमा अपोल्‍लोस अखैयाडा लमु न बु़डु़। एफिससडा बाट्‌पा थो़रलु़पामिमका गुलाई लमु उ सो हन्‍बेन्‍साम्‍डी, मा अपोल्‍लोसलाई रनी र्‍वाक्‍साका मेसिन्‍डाम सीसिपामिमलाई कोले सेलाखाजेम वो र्‍याम्‍सोम्‍डी। अखैयाडा रोक्‍थिड्‌डामा गुका माम्‍चु़नीकु दिदामका येशूडा थो़रलु़पामिमलाई छो़म ख्‍लो़यु़डु़मी।

थु़र्मा 21:23

मेम्‍मिमका गुकु र्‍वाकुमिम थो़नी, माम्‍चु़नीनुङ ङादो र्‍वाम्‍डिम होम्‍साका सेम खुर्पा ब्‍लले मु़चु़मिम आसिन्‍डा बुमी।