थु़र्मा 18:10 - थुलुङ राई

¹⁰ हेङालोने गो गानानुङ बुङु। सु़का वो गानालाई हाम वो बोमु मेचाम्‍नामी। ओराम शहरडा आमा मु़चु़मिम हापा ङा बुमी।”

थु़र्मा 18:10 Referans Kwoze

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

रोमी 8:31

गुइ ओराम ल्‍वाकु दुथाम हाम र्‍वामु चाप्‍सी मा? माम्‍चु़नी गुइलाम बाम्‍सिमी माला इकीमा कोर्थो़लाम सु़ बमु चाम्‍सु़?

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

२ तिमोथी 4:22

माम्‍चु़नी गानानुङ दु़म्‍मिनु़। उनीमा दिदाम गानानुङ दु़म्‍नु़।

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

मत्ती 10:30

इनीमा बुइडलाम सेम वो ङार्सिड्‌डाम बु।

थु़र्मा 15:18

उहेमका माके-माके आथाम ओर्मिम ल्‍वा सो़म्‍डिम बाइडा।

लूका 21:18

लावो इनी कोरिप सेमङा वो हेवो मेदु़म।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

थु़र्मा 15:14

हेसाका माम्‍चु़नीका ङादो वाङसामामिमडला उनी न-थो़म रेम्‍बेसाका मेर्मिमगोलाम उनीमा लागि मु़चु़मिम छेट्‌मिडिम ल्‍वा सिमोन पत्रुसका गुइनुङ र्‍वाक्‍ताम बु।

थु़र्मा 18:9

कोङ सिन्‍था मिक्‍सीलामडा पावललाई ङाचो़ येशूका र्‍वाम्‍डी, “मेङिसा, जेत्तो लक्‍सा, मा लिबा मेबाया,

थु़र्मा 18:11

मेकोतिमा पावल कोरिन्‍थ शहरडा माम्‍चु़नीकु सिजेम सीत्तो को-लेत (१८) मुनामसम्‍म मेर्मिमनुङ बाइडा।