थु़र्मा 17:5 - थुलुङ राई

⁵ लावो वाङमिम यहूदीमिमका ने मेर्मिमडला उनी नाचु़रका बजारबाडेम ङाल्‍पामिमलाई खोप्‍साका शहरडा ङाल्‍बेट्‌मिडी। पावल नुङ सिलासलाई सेर्पा मु़चु़मिमकु ङादोडा रेन्‍मुमा येम्‍सिबेन्‍मु लागि मेर्मिम यासोनकु नेमथो़ लम्‍ल्‍याम्‍डी।

थु़र्मा 17:5 Referans Kwoze

गलाती 5:26

गुइ कोलेका कोङमीकु छोक्‍चो फक्‍साक्‍पा, डोक्‍पु लिसिक्‍पा मा नाचु़र बेपा दु़म्‍सी मेनु़।

थु़र्मा 17:13

लावो पावलका बेरियाडा वो माम्‍चु़नीकु सिजेम दो़सु़म बु र्‍वाक्‍पा थेसलोनिकेडाम यहूदीमिमका थो़म्‍डी। मेकोतिमा मेर्मिम मेसिन्‍डा वो रोम्‍डी। मेम्‍मा सेर्पा मु़चु़मिमलाई सिल्‍साका पावलकु कोर्थो़लाम फम्‍डी।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

रोमी 16:21

गोनुङङा खारी बेपा तिमोथी मा आमा यहूदी ल्‍वाकमिम लुकियस, यासोन नुङ सोसिपात्रोसका वो गानीलाई सेव र्‍वाम्‍डिम बु।

थु़र्मा 17:7

ओ यासोनका मेर्चिपलाई उ नेमडा येड्‌डु़चिम रेछा। मेर्चिपका रोमी हपका र्‍वामिम मेथो़साका येशू र्‍वाक्‍मा वाङमी ङा हप बुमी र्‍वाची।”

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

१ कोरिन्थी 3:3

गानी आथावो ओ सु़म्‍दिसेरडाम मु़चु़ होप्‍मामङा बुनी। गानी नाचु़र बेबोनी मा छोक्‍चो बेबोनी माला हाम गानी सु़म्‍दिसेरडाम मु़चु़मिम होप्‍माम मेदु़म्‍निवा मा?

थु़र्मा 19:40

आनेपमिम ओराम रिबुसी-ल्‍वाकु देन्‍दे इकीमा बुइडला रो र्‍वाक्‍पा ङिम लु़डाम बु। हेङालोने ओराम हाम ना हामकु रिबुसी-ल्‍वाकु दुथाम गुइ हाम वो र्‍वामु मेचाप्‍सी।”

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

मत्ती 27:18

हेङालोने ङाउमिम उनी नो़ मेनु़यावामका येशूलाई उमा ल्‍वाड्‌डा ग्‍वाम्‍डिम र्‍वाक्‍पा पिलातसका चडु़म बाइडा।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?

थु़र्मा 7:9

“मेर्मिमगोडाम कोले योसेफ बाइडा। योसेफकु वामिमकाम उनी नो़ मेनु़यावामका योसेफलाई मिश्र नेब्‍दीडा भ्रेट्‌मिडी। लावो माम्‍चु़नी योसेफनुङ बाम्‍डी।

थु़र्मा 17:6

पावल नुङ सिलासलाई मेसिन्‍डा मेडार्मिवामका मेर्मिमका यासोन नुङ कोङ-कोङ थो़रलु़पामिमलाई शहरडाम साखामचो़मिमकाडा येत्तो रो़-रो़न्‍थु़त्तो रेट्‌मिडी, “सु़म्‍दिसेरडा खोत्‍लेथो़ ब्‍लो़ब्‍बाल्‍पा पावल नुङ सिलास आसिन्‍डा वो रोक्‍फाम्‍चिम बु।

थु़र्मा 17:9

मेर्मिमका यासोन नुङ गुनुङ बाट्‌पा वाङमिम थो़रलु़पामिमलाई धरौटी सोबेट्‌मिडिमा डिट्‌मिडी।

२ कोरिन्‍थी 11:26

गो हापाखेप दु़पा लाम्‍दी लाम्‍दिङ्डोलो ब्‍लोकुडाम, खुचु़वामिमडाम, आमा त्‍वाकु सामा यहूदीमिमडाम, वाङसामामिमडाम गोलाई हापा ङिम बाइडा। शहरडा, सो़ब्‍दीडा, दिरिदिनडा मा थो़रलु़पा लिसिक्‍पामिमडाम वो हापा ङिम बाइडा।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।