थु़र्मा 17:4 - थुलुङ राई

⁴ मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।

थु़र्मा 17:4 Referans Kwoze

थु़र्मा 17:12

मेम्‍मिमका ओर्मिमगोडाम हापाका येशूडा थो़र लु़म्‍डी। मेकोतिमा नङ धोपा ग्रीक मेसेममिम नुङ ग्रीक वोस्‍चो़मिम वो हापाका येशूडा थो़र लु़म्‍डी।

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

२ कोरिन्‍थी 8:5

गुकु मेर्मिमलाम ल्‍वापा न बेत्तोकोमडाम वो हापा मेर्मिमका बेम्डी। ङादो मेर्मिमका उनी त्‍वापलाई ङाचो़ येशूकु ल्‍वाडा ग्‍वाम्‍डी। मेम्‍मा माम्‍चु़नीकु न होम्‍साका उनी त्‍वापलाई ङा आकी ल्‍वाडा ग्‍वाक्‍तिकी।

थु़र्मा 28:24

गुका र्‍वाक्‍ताम ल्‍वाडा याङ-याङका थो़रलु़म्‍डी, याङ-याङका थो़र मेलु़मिवा।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 21:28

मेकोतिमा मेर्मिम आरे र्‍वाक्‍तो येम्‍डी, “इस्राएलडाम वा-ल्‍वाकनी, ख्‍लो़किनी! मु़चु़मिमलाई बान्‍तेमेनो इकीमा सामा, इकीमा डु़म्‍ला मा इकीमा सो़रनेमकु कोर्थो़लाम सीप्‍बाल्‍पा मु़चु़ ओराम ङा सो़। मेकोति कोङङा मेएँ, ओरामका ग्रीक वाङसामामिमलाई वो सो़रनेमगोडा रेड्‌डु़मी, मा माम्‍चु़नीकु सो़रनेमलाई मेसेपा दु़म्‍बेड्‌डु़म बु।”

थु़र्मा 19:10

नक थसम्‍म आरेसाकाङा दोस्‍ताम बाइडामका एशियाडा बाट्‌पामिम खोत्‍ले यहूदीमिम नुङ ग्रीकमिमका येशूकु दुथाममिम सिजेम थो़म्‍डी।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

थु़र्मा 17:34

मेकोतिलो कोङ-कोङ मु़चु़मिमका येशूडा थो़र लु़म्‍डी, मा पावलनुङ लाम्‍दिम्‍डी। मेर्मिमगोडाम मे अरियोपागस घ्रो़म्‍दीडाम डियनुसियस, दामारिस र्‍वाक्‍मा कोङ मेसेम नुङ वाङमिम वो बाम्‍डी।

थु़र्मा 17:17

मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 16:3

तिमोथी वो पावलका उ त्‍वापनुङ लमु न बु़डु़। मेराम देलडा यहूदीमिम बाम्‍डिमका पावलका उमा खिरिरि-क्रिप्‍साड्‌डु़। हेङालोने तिमोथीकु पाप ग्रीक बाइडा र्‍वाक्‍पा मेर्मिम खोत्‍लेका चम्‍डिम बाइडा।

थु़र्मा 15:40

लावो पावलका ने उ त्‍वाप ख्‍लो़पा सिलासलाई छेड्‌डु़। मेकोतिमा मेसिन्‍डाम थो़रलु़पामिमका माम्‍चु़नीकु ल्‍वाड्‌डा ग्‍वाम्‍डिम चङ्‌डा मेर्चिप लक्‍ची।

थु़र्मा 15:32

यहूदा नुङ सिलास उची त्‍वापङा वो माम्‍चु़नीलाम-जेपा बाच्‍चिमका थो़रलु़पामिमलाई हापा सिजेमलामका सीट्‌चिमिमा उनी सो हन्‍बेसाक्‍चिमी।

थु़र्मा 15:27

मेम्‍मिमका गुकु यहूदा नुङ सिलासलाई इनीमाडा थु़र्तोकोम बु। मेर्चिपका वो गुकु र्‍याक्‍तोकोम ल्‍वा ङा सो़ची सो़।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

थु़र्मा 4:23

पत्रुस नुङ यूहन्‍ना यहूदीमिमकु डोक्‍पु घ्रो़म्‍दीलामका लुक्‍चि मेडे उची त्‍वाकु ङोप्‍सो़मिमकाडा रोक्‍ची। मेकोतिमा ङाउ डु़म्‍लाचो़मिम नुङ ङाउमिमका र्‍वाम्‍डिम खोत्‍ले ल्‍वा मेर्मिमनुङ सो़च्‍ची।

थु़र्मा 2:44

थो़रलु़पामिम खोत्‍ले कोयो घ्रो़म्‍थाल्‍मिडी, मा मेर्मिमनुङ बाट्‌पा खोत्‍ले सोजाम बोम्‍थाम दु़स्‍थाल्‍ला, मा खोत्‍लेका खोत्‍लेङा मोमु ल्‍वाम्‍थाल्‍मिडी।

यूहन्‍ना 7:35

यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?

थु़र्मा 17:10

थो़रलु़पामिमका पावल नुङ सिलासलाई सिन्‍थाङा बेरिया शहरथो़ थु़र्थाम्‍डिची, मा मेर्चिप मेसिन्‍डा लुक्‍चिमा यहूदीमिमकु घ्रो़म्‍दीनेमगोडा लक्‍ची।

थु़र्मा 17:14

मेम्‍मिमका थो़रलु़पामिमका पावललाई दिरिदिनकु सो़पथो़ थु़र्थाम्‍डी, लावो सिलास नुङ तिमोथी ने मेसिङा बाच्‍ची।