थु़र्मा 17:25 - थुलुङ राई

²⁵ मु़चु़मिमका ग्‍वामिमिम हाम वो गुमीका चाहेमेबोमी। गुमीका ने मु़चु़मिमलाई त्‍वारो़म, साम नुङ चाहेदु़म्‍पा खोत्‍लेङा ग्‍वामी।

थु़र्मा 17:25 Referans Kwoze

रोमी 11:35

“सु़का गुमीलाई हाम-हुम ग्‍वाक्‍तु़मिम बु, मा ख्‍लोमु बासिक्‍पा बेसाका गुमीलाई सु़का ग्‍वाक्‍तु़मिम बु मा?”

थु़र्मा 17:28

हेङालोने, ‘गुइ गुमीडा बुइ, गुमीडा दोसी, मा गुमीडा दु़प्‍सी।’ गानीगोडाम इनी कुरुवाचो़मिमका वो आरे र्‍वाम्‍डिम बु, ‘गुइ उनीमाङा चो़-चु़सु़मिम सो़।’

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

थु़र्मा 14:17

लावो माम्‍चु़नीका उनी न-थो़म मेर्मिमडला रेम्‍बेसाका गुमी बाम्‍डी र्‍वाक्‍पा ल्‍वा रेम्‍बेम्‍डी। गुमीका धामुलामका व थु़र्मिडिमा खोत्‍ले मा-के थारी-थारीका सिन्‍बेट्‌मिडी, मा हापा छो़म पोमु-डुमु ग्‍वाक्‍साका मु़चु़मिमकु न-गो गेर्सिबेट्‌मिडिम बु।”

मत्ती 9:13

‘हादी-बारा सासेन्‍मु मेएँ, न-थो़म रेम्‍बेबेनी र्‍वाक्‍पा गो न बेउ।’ र्‍वाक्‍साका माम्‍चु़नीकु सिजेमका र्‍वामु मालु़मिम ल्‍वा लक्‍निमा थेसिथेट्‌नी। माम्‍चु़नीकु मिक्‍सीलामडा जो़पा बुङु र्‍वाक्‍साका मिम्‍सिक्‍पा मु़चु़मिमलाई मेएँ, छु़लचो़ र्‍वाक्‍साका मिम्‍सिक्‍पा मु़चु़मिमलाई येड्‌डा गो योङडोम सो़।”

मत्ती 5:45

मेम बेसाका गानी पाह्रीला बाट्पा पापकु चो़मिम दु़म्‍नी। गुमीका जो़पा नुङ मेजो़पा मु़चु़ निफिकाम लागि नेप्‍सुङ ओम्‍बेन्‍मी मा माम्‍चु़नीकु ङादोडा जो़पा नुङ मेजो़पा खारी बेपा मु़चु़ निफिकाडा व थु़र्मी।