Biblia Todo Logo
Bib sou entènèt

- Piblisite -




थु़र्मा 17:24 - थुलुङ राई

24 “सुबु नुङ मेगोडा बाट्‌पामिम खोत्‍ले प्रङपा माम्‍चु़नी गुमी ङा सो़। गुमी सुबु नुङ पाह्रीकाम मिप्रङमा सो़, मेम्‍मिमका मु़चु़का बनेबोमिम सो़रनेमडा मेबुमी।

Gade chapit la Kopi




थु़र्मा 17:24
36 Referans Kwoze  

“मेम लावो ल्‍वाका बनेम्‍मा सो़रनेममिमबाडे पाह्रीलाम माम्‍चु़नी मेबुमी, माम्‍चु़नीलाम-जेपाका आरेसाका र्‍वाक्‍ताम बु:


मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।


मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।


“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।


मेराम ल्‍वा थो़म्‍डिमा मेर्मिम खोत्‍ले कोले न-थो़मकाम दु़म्‍साका डोक्‍पु लो़लामका सो़म्‍दी बेम्‍डी, “सुबु, पाह्री, दिरिदिन नुङ मेसिन्‍डा बाट्‌पामिम खोत्‍ले प्रङपा माम्‍चु़नी,


मेराम थारीकाङा येशूलाई माम्‍चु़नी-पेलका गेर्सिबेट्‌मिडी, मा गुमीका र्‍वाम्‍डी, “माम्‍चु़नी, गानी सुबु नुङ पाह्रीकाम ङाचो़, गो गानीलाई आलासो़ ग्‍वानिनी, हेङालोने थेट्‌पा मु़चु़ नुङ नेप्‍चीनुङमामिमडाम थक्‍निम ल्‍वा चो़च्‍चो़ होप्‍माम मु़चु़मिमलाई रेम्‍बेट्‌नी। गानी आरे बोमु ङा जो़पा लु़न्‍नी माम्‍चु़नी।


नेममिम ने कोङनिम मु़चु़काङा बनेबोमिमिम दु़म। लावो खोत्‍लेम थोक बनेबेपा ने माम्‍चु़नीङा बुमी।


लावो गो गानीलाई र्‍वाङु, हाङकाम वो कसम मेपेनी। पाह्री नङ सो़साका कसम मेपेनी, हेङालोने मेराम माम्‍चु़नीकु गन्‍खोप सो़।


लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।


सु़म्‍दिमोलो सिजेम बाम्‍डी। सिजेम माम्‍चु़नीनुङ बाम्‍डी, मा मे सिजेम माम्‍चु़नी बाम्‍डी।


माम्‍चु़नीका मेर्मिमलाई देन्‍दे ग्‍वामी, हेङालोने माम्‍चु़नीकु दुथाम मु़चु़का थेन्‍मु बासिक्‍पा ल्‍वा माम्‍चु़नीका त्‍वाकाङा मेर्मिमलाई छ्र्याङलो छ्‍याङलो दु़म्‍पा बेसाका रेम्‍बेट्‌मिडिम बु।


Swiv nou:

Piblisite


Piblisite