थु़र्मा 17:18 - थुलुङ राई

¹⁸ इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।

थु़र्मा 17:18 Referans Kwoze

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

थु़र्मा 4:2

येशू सिमुलाम बम्‍गेम्‍डिम ल्‍वा र्‍वाक्‍ची, मा सिपामिम वो येशूडा बम्‍गेट्‌मी र्‍वाक्‍साका पत्रुस नुङ यूहन्‍नाका सीट्‌चिमिमका मेर्मिमकाम छो़म उनी छोक्‍चो बक्‍ताम बाइडा।

लूका 11:53

येशू मेराम नेमलामका लुम्‍डिलो यहूदीकु डु़म्‍ला सीपा पातु़म्‍री नुङ फरिसीमिम छो़म येशूकु कोर्थो़लाम बम्‍डिमा गुमीलाई भुर्मु लागि गुमीनुङ छो़म हिलाहिसी बेम्‍डी।

१ कोरिन्थी 4:10

गुकु ने ख्रीष्‍टकाम लागि नेप्‍ची मान्‍थिम, लावो गानी ने ख्रीष्‍टनुङ नेप्चीनुङमा बुनी! गुकु ने मेचापा बुकु, लावो गानी ने यु़मनुङमा बुनी! गानी ने खोत्‍लेका डोक्‍पु बोनिमी, लावो गुकुलाई ने डोक्‍पु मेबोकिमी!

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

रोमी 1:22

मेर्मिमका उनी त्‍वाप नेप्‍चीनुङमा बुङु र्‍वाक्‍पा मिम्‍मिडी लोवो नेप्‍ची मान्‍थिम दु़म्‍मिडी।

थु़र्मा 26:23

मेर्मिमका आरे दु़म र्‍वाम्‍डिम बाइडा, ख्रीष्‍ट सिमु ङा बासी, मा सिमुलाम बग्‍गेट्‌पामिमडाम ङादोम दु़म्‍साका गुमीका यहूदीमिम नुङ वाङसामामिमलाई माम्‍चु़नीकु ओल होप्‍माम सिजेमकु दुथाम सो़मी।”

मर्कूस 9:14

येशू नुङ उनी सीसिपामिम वाङमिम उनी सीसिपामिमकाडा रोम्‍फाम्‍डिलो, मेर्मिमकु होनोलाम-आथो़लाम छो़म सेर्पा मु़चु़मिम बाम्‍डी, मा यहूदीमिमकु डु़म्‍ला सीपा पातु़म्‍रीमिमनुङ हिलाहिसी बे-बेत्तो लेट्‌मिडिम बाइडा।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

थु़र्मा 5:42

मेर्मिमका हेल्‍लो लोवो सो़रनेमडा नुङ नेम-नेमडा येशू ङा ख्रीष्‍ट सो़ र्‍वाक्‍साका सीमु नुङ जो़पा-सेला दो़मु मेडिट्‌मिवा।