थु़र्मा 17:17 - थुलुङ राई

¹⁷ मेम्‍मिमका पावलका यहूदीमिम नुङ माम्‍चु़नीकु ङिम जु़ल्‍पा ग्रीकमिमलाई घ्रो़म्‍दी नेमडा ल्‍वालामका खाल्‍थाल्‍लु़मी। मेम्‍साका ङा बजारबाडे क्रो़म्‍डु़मिम मु़चु़लाई वो हेल्‍लो लोवो ल्‍वालामका खाल्‍थाल्‍लु़मी।

थु़र्मा 17:17 Referans Kwoze

थु़र्मा 13:16

मेकोतिमा पावल येम्‍स्‍तामा उ ल्‍वा थो़त्तो र्‍वाक्‍ता, “ए इस्राएलडाम मु़चु़ नुङ माम्‍चु़नीकु ङिम जु़ल्‍पानी, थो़नी,

थु़र्मा 9:20

मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

लूका 12:3

मेम्‍मा गानी तुकुम्‍चिमडा जेनिमिम ल्‍वा ओलडा थो़सी। मेकोतिमा सु़पील्‍वाका जेनिमिम ल्‍वा खोत्‍ले मु़चु़का थो़मी।

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

थु़र्मा 8:2

माम्‍चु़नीकु सो़रलोले बेपामिमका स्‍तिफनसलाई लम्‍डिमा क्‍लु़म्‍मिडी, मा उमा दुथाम छो़म ख्राप्‍मिडी।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।