थु़र्मा 17:14 - थुलुङ राई

¹⁴ मेम्‍मिमका थो़रलु़पामिमका पावललाई दिरिदिनकु सो़पथो़ थु़र्थाम्‍डी, लावो सिलास नुङ तिमोथी ने मेसिङा बाच्‍ची।

थु़र्मा 17:14 Referans Kwoze

थु़र्मा 17:10

थो़रलु़पामिमका पावल नुङ सिलासलाई सिन्‍थाङा बेरिया शहरथो़ थु़र्थाम्‍डिची, मा मेर्चिप मेसिन्‍डा लुक्‍चिमा यहूदीमिमकु घ्रो़म्‍दीनेमगोडा लक्‍ची।

मत्ती 10:23

मु़चु़मिमका गानीलाई कोले शहरडा दु़खा ग्‍वानिलो कोङमी शहरडा स्‍वानी। हेङालोने आच्‍छाङा गो गानीलाई र्‍वाङु, मिनीचो़ मेयोक्‍थु़मसम्‍म इस्राएलडाम खोत्‍ले शहरडा खारी बोमु मेयु़न्‍सोनी।

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

थु़र्मा 9:30

ओराम चम्‍डिमा थो़रलु़पामिमका शाऊललाई कैसरियाडा रेट्‌मिडी, मा गुलाई मेलामका टार्सस शहरडा थु़र्सोम्‍डी।

थु़र्मा 9:25

लावो उ सीसिपामिमका शाऊललाई सिन्‍था ङा तोफ्रिमडा जु़ल्‍साका शहर खिर्मा ब्रोलुङलामका पाखायु़ ख्‍लुम्‍डी।

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

थु़र्मा 20:3

गु सु मुनाम मेसिन्‍डा ङा बाइडा। मेकोतिमा डोक्‍पु कुबी-बोक्‍सालामका सिरियाथो़ लमु न बु़डु़म बाइडा, लावो यहूदीमिमका पावलकु दुथाम मेजो़पा मुलु़ बेम्‍डिमका गुका माकेडोनियालामका ङा ख्‍लोम्‍सिमुमा लमु न बु़डु़।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 17:4

मेर्मिमगोडाम कोङ-कोङका थो़र लु़म्‍डी, मा पावल, सिलासनुङ लाम्‍दिम्‍डी। छो़म सेर्पा माम्‍चु़नीकु-ङिम जु़ल्‍पा ग्रीक मु़चु़मिम नुङ कोले-नले डोक्‍पु मेसेममिम वो लाम्‍दिम्‍डिम बाइडा।

थु़र्मा 17:6

पावल नुङ सिलासलाई मेसिन्‍डा मेडार्मिवामका मेर्मिमका यासोन नुङ कोङ-कोङ थो़रलु़पामिमलाई शहरडाम साखामचो़मिमकाडा येत्तो रो़-रो़न्‍थु़त्तो रेट्‌मिडी, “सु़म्‍दिसेरडा खोत्‍लेथो़ ब्‍लो़ब्‍बाल्‍पा पावल नुङ सिलास आसिन्‍डा वो रोक्‍फाम्‍चिम बु।

थु़र्मा 17:15

पावललाई सोक्‍थिड्‌डा लक्‍पामिमका गुलाई एथेन्‍सडा रेट्‌मिडी। मेसिन्‍डा रोक्‍थिड्‌डामा उ त्‍वापलाई सोप्‍डा रोक्‍पामिमनुङ पावलका सिलास नुङ तिमोथी दालाङा रोचिनु़ र्‍वाक्‍पा सेला थु़र्सोड्‌डु़।

थु़र्मा 18:5

सिलास नुङ तिमोथी माकेडोनियालामका रोक्‍फाट्‌ची, मा पावलका हेल्‍लो लोवो माम्‍चु़नीकु सिजेम कोङङा दो़स्‍तु़होम बाइडा। गुका यहूदीमिमलाई येशू ङा ख्रीष्‍ट र्‍वाक्‍पा सीड्‌डु़मी।