12 मेम्मिमका ओर्मिमगोडाम हापाका येशूडा थो़र लु़म्डी। मेकोतिमा नङ धोपा ग्रीक मेसेममिम नुङ ग्रीक वोस्चो़मिम वो हापाका येशूडा थो़र लु़म्डी।
मेम्मा बान्ते ओल झ्वा, मेरामका खोत्ले ल्वा दो़बेडु़। मेम्मिमका आरे र्वाक्मा बु, “अम्चेट्पामिम ङोन्सिट्नी, मा सिमुलाम बग्गेट्नी, मा ख्रीष्टका उनीमा ओल गानीडला झ्वाबेन्मी।”
लावो यहूदीमिमका माम्चु़नीकु सो़रलोले बेपा डोक्पु नङ धोपा मेसेममिम नुङ शहरडाम डोक्पु ङाउमिमलाई कोम्डिमा पावल नुङ बारनाबासकु कोर्थो़लाम फम्डी। मेम्मा पावल नुङ बारनाबासलाई मेर्मिमका मेराम शहरलामका कोल्सोम्डिची।
वा-ल्वाकनी, माम्चु़नीका गानीलाई येट्निमिम थारीका गानी हेप्माम बान्नी, मेराम मिम्नी। सु़म्दिसेरडाम मु़चु़मिमकु मिम्सी होङङा गानीगोडाम हापा मु़चु़ नेप्चीनुङमा, हापा मु़चु़मिम यु़मचो़ नुङ हापा मु़चु़मिम नङ दोपा नेमगोडाम मेबानिवा।
पावल नुङ बारनाबास कोयोङा आइकोनियनडाम यहूदीमिमकु घ्रो़म्दीनेमडा लक्ची। मेसिन्डा मेर्चिप छो़म जो़पा जेच्चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्डी।
मेम्मिमका खोत्ले घ्रामलु़पा ल्वामिम नुङ मेजो़पा ल्वामिम पार्नी, मा इनीमा गोगोडा ख्लिम्थाट्मा माम्चु़नीकु सिजेम याक्के दु़म्साका रनी। मेरामका गानीलाई सेल्मु चाम्नी।
मा खाप्चीचो़ ने माम्चु़नीका याक्के दु़म्बेन्मिमिमडा गेर्सी द्वानु़, हेङालोने सो़ब्दी बुङमा होम्साका गु मेकोतिङा दाम्मा ल।
पावल नुङ बारनाबासका मेङिसाका र्वाक्ची, “माम्चु़नीकु सिजेम ङादो गानीलाई ङा थो़बेन्मु बासिक्पा बाइडा, लावो गानी मेद्वानिवा, मा इनी त्वाप ङा हेल्लो वो मेसिपा त्वारो़म ल्वामु मेघ्रेट्पा दु़म्नी। मेम्मिमका आथा ने गुचुकु वाङसामामिमकाडा लचुकु।
कोङनिम मु़चु़का माम्चु़नीकु न होङङा बोमु न बु़ माला आमा सीसि माम्चु़नीलाम रोक्पा डे आ त्वाकाङा जेङुमिम डे मेराम गुका च।
अरिमाथियाडाम योसेफ मेङिसाका येशूकु सिपा रो़म बिप्डा पिलातसकाडा लस्ता। गु माम्चु़नीकु किब्दी लत्तोङा बेपा यहूदीमिमकु डोक्पु-घ्रो़म्दीडाम कोले ङाउ मु़चु़ बाइडा।
मा माम्चु़नीकु नङ कोक्तो खोत्लेनुङ द्वादीबुङकाम दु़म्साका बाम्थाल्मिडी। माम्चु़नीका सेल्सिक्पामिम खोत्लेलाई हेल्लो लोवो मेर्मिमनुङ काप्मिडिम बाम्डी।