थु़र्मा 17:11 - थुलुङ राई

¹¹ मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

थु़र्मा 17:11 Referans Kwoze

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

मत्ती 13:23

लावो जो़पा क्‍वाडला झुक्‍पा भ्रल ने मेरामङा सो़, उहेमका सिजेम थो़सु़मा थेसिथेडु़। मेम्‍मा को सङ (१००) हापा, रु धु़म (६०) हापा, मा सु धु़म (३०) हापा मा सिट्‌पा भ्रल होप्‍माम मेराम दु़म।”

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

यूहन्‍ना 3:21

लावो उहेमका माम्‍चु़नीका र्‍वामिमिम होङङा बु़, मेराम ओलडा रो, मा माम्‍चु़नीलाम गुका मेराम खारी बु़डु़म र्‍वाक्‍साका जो़होमका दो़।”

२ थेसलोनिकी 2:10

मा पुयु़ लुक्‍पा मु़चु़मिमलाई मेरामका खोत्‍ले मेजो़पा ल्‍वाका लु-फेले बु़मी। मेर्मिम पुयु़ लुमी हेङालोने सेल्‍सिक्‍पा आच्‍छाङाकाम ल्‍वा मेर्मिमका मेद्‌वाक्‍मिवा मा मेरमिवा,

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

याकूब 1:21

मेम्‍मिमका खोत्‍ले घ्रामलु़पा ल्‍वामिम नुङ मेजो़पा ल्‍वामिम पार्नी, मा इनीमा गोगोडा ख्‍लिम्‍थाट्‌मा माम्‍चु़नीकु सिजेम याक्‍के दु़म्‍साका रनी। मेरामका गानीलाई सेल्‍मु चाम्‍नी।

थु़र्मा 10:33

मेकोतिमा दालाङा गो गानी येड्‌डा मु़चु़मिम थु़र्तोमी, मा आसिन्‍डा रोनिम छो़म ङा जो़पा दु़स्‍ताम बु। आथा माम्‍चु़नीका गानीनुङ र्‍वाम्‍डिम खोत्‍ले सिजेम थो़मु गुकु खोत्‍लेङा माम्‍चु़नीकु ङादोडा खोम्‍सिक्‍तोकोम बु।”

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

थु़र्मा 17:1

पावल नुङ सिलास अम्‍फिपोलिस नुङ अपोल्‍लोनियालामका थेसलोनिके शहरडा रोक्‍ची। मेसिन्‍डा यहूदीमिमकु कोले घ्रो़म्‍दीनेम बाइडा।

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

लूका 16:29

“लावो अब्राहामका र्‍वाक्‍ता, ‘मोशा नुङ माम्‍चु़नीलाम-जेपामिमका र्‍वाम्‍डिम खाजेम मेर्मिमनुङ बु। मेगोडा र्‍याक्‍मा सिजेमका र्‍वामिम होम्‍साका मेर्मिम दोमिनु़।’

लूका 1:2

माम्‍चु़नीकु जो़पा-सेला सो़पा उनी डु़ल्‍चो़मिमका ओर्मिम ल्‍वा गुकुनुङ सो़म्‍डिम बु। मे उनीमा डु़ल्‍चो़मिम ने येशूकु दुथाम नुङ येशूका खारी बोमु चो़म्‍मिडिलो आथाममिम ल्‍वा ल्‍वापा थो़पा बाम्‍डी, मा मे ल्‍वाम्‍डिम थो़म्डिम ल्‍वा वाङमिमनुङ सो़म्‍डी।

लूका 11:3

हेल्‍लो लोवो गुकुलाई चाहेदु़म्‍पा पोमु-डुमु आनेप वो ग्‍वाक्‍किनी।