10 थो़रलु़पामिमका पावल नुङ सिलासलाई सिन्थाङा बेरिया शहरथो़ थु़र्थाम्डिची, मा मेर्चिप मेसिन्डा लुक्चिमा यहूदीमिमकु घ्रो़म्दीनेमगोडा लक्ची।
गुकु इनीमाडा रोमु ङादोङा फिलिप्पी शहरडा हाङको छो़म मेजो़पा बेत्तिकिमी, मा दु़खा ग्वाक्तिकिमी, मेराम गानी चनी। मु़चु़मिम छो़म आकी कोर्थो़लाम बम्डिङा लोवो माम्चु़नीका ख्लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।
उ बादु़खाम होम्साका पावल घ्रो़म्दीनेमगोनो हुङ्डा, मा सु ङेम्सिमुनेमसम्म मेर्मिमलाई सीत्तो मेसिन्डा बाइडा। गुका माम्चु़नीकु सिजेमलामका,
मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्पा अरिस्तार्खस, सिकन्दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्डी।
लावो उ सीसिपामिमका शाऊललाई सिन्था ङा तोफ्रिमडा जु़ल्साका शहर खिर्मा ब्रोलुङलामका पाखायु़ ख्लुम्डी।
मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्स्तामा र्वाक्ता,
मेम्मा शाऊल घ्रो़म्दीनेममिमबाडे लस्तामा येशू ङा माम्चु़नीकु चो़ र्वाक्साका सीमु चो़म्डु़मी।
मेकोतिमा थु़र्मामिम, एल्डरमिम नुङ खोत्ले थो़रलु़पामिमका उनी त्वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्टिओखिया शहरथो़ थु़र्मु मुलु़ बेम्डी। मेर्मिमका थो़रलु़पामिमगोडाम उनी ङाउचिप बारसाबास र्वाक्मा यहूदा नुङ सिलासलाई थुट्मिडिची।
पावल नुङ सिलास अम्फिपोलिस नुङ अपोल्लोनियालामका थेसलोनिके शहरडा रोक्ची। मेसिन्डा यहूदीमिमकु कोले घ्रो़म्दीनेम बाइडा।
मेर्मिमगोडाम कोङ-कोङका थो़र लु़म्डी, मा पावल, सिलासनुङ लाम्दिम्डी। छो़म सेर्पा माम्चु़नीकु-ङिम जु़ल्पा ग्रीक मु़चु़मिम नुङ कोले-नले डोक्पु मेसेममिम वो लाम्दिम्डिम बाइडा।
पावल नुङ सिलासलाई मेसिन्डा मेडार्मिवामका मेर्मिमका यासोन नुङ कोङ-कोङ थो़रलु़पामिमलाई शहरडाम साखामचो़मिमकाडा येत्तो रो़-रो़न्थु़त्तो रेट्मिडी, “सु़म्दिसेरडा खोत्लेथो़ ब्लो़ब्बाल्पा पावल नुङ सिलास आसिन्डा वो रोक्फाम्चिम बु।