थु़र्मा 16:6 - थुलुङ राई

⁶ माम्‍चु़नी-पेलका एशियाडा उनी सिजेम मेदो़नी बेम्‍डिमका पावल नुङ उ ङोप्‍सो़मिम गलातिया नुङ फ्रिगियाडाम देल दु़म्‍तो लम्‍डी।

थु़र्मा 16:6 Referans Kwoze

थु़र्मा 18:23

एन्‍टिओखियाडा कोलेम-नलेम बाइडामा पावल गलातिया नुङ फ्रिगिया दु़म्‍तो खोत्‍ले थो़रलु़पामिमकु सो हन्‍बेत्तो, खोत्‍लेथो़ खिर्सिड्‌डा।

गलाती 1:2

आसिन्‍डा गोनुङ बाट्‌पा खोत्‍ले वा-ल्‍वाकमिमलामका वो गलातियाडाम मण्‍डलीमिमलाई आकीमा ओराम सेव बु:

थु़र्मा 16:7

माइसियाडा रोम्‍फाम्‍डिमा मेर्मिमका बेथानियाथो़ लक्‍पा न बेम्‍डी। लावो येशूकु पेलका मेर्मिमलाई लमु मेग्‍वाक्‍मिवा।

थु़र्मा 11:12

माम्‍चु़नी-पेलका गोलाई इमा नड्‌डा हाम वो मेमुर्सिक्‍साका मेर्मिमनुङ लक्‍सा र्‍वाम्‍डी। मेकोतिलो ओर्मिम रुले थो़रलु़पामिम वो गोनुङ ङा लम्‍डी, मा गुकु वाङसामा कर्नेलियसकु नेमडा हुत्तोको।

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

थु़र्मा 19:10

नक थसम्‍म आरेसाकाङा दोस्‍ताम बाइडामका एशियाडा बाट्‌पामिम खोत्‍ले यहूदीमिम नुङ ग्रीकमिमका येशूकु दुथाममिम सिजेम थो़म्‍डी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

हिब्रू 11:8

थो़रकाङा अब्राहामका दिफु गुका ल्‍वापा बायथो़ लमु माम्‍चु़नीका येट्‌मिडिलो बिसिड्‌डा। मेम्‍मा गु बान्‍थो़ लक्‍तोङा बु़डु़म मेराम मेचकु़वा लोवो गु लस्‍ता।

२ तिमोथी 1:15

एशियाडा बाट्‌पा हापा मु़चु़मिमका गोलाई ङेट्‌ङिडिमिम गाना चनामिमङा बु। मेर्मिमगोडाम फुगेलस नुङ हर्मोगेनस सो़।

२ कोरिन्‍थी 1:8

वा-ल्‍वाकनी, गुकु एशियाडा दु़खा ल्‍वात्तोकोम ल्‍वाकु दुथाम गानी वो चन्‍जो़ल्‍नी र्‍वाक्‍पा आकीमा न बु। मेसिन्‍डा गुकु छो़म दु़खा ल्‍वात्तोको, मेराम गुकु इम्‍मुङा मेचाप्‍कुवामका आकी साम जु़ल्‍मु वो न सेत्तोकोम बाइडा।

१ कोरिन्थी 16:1

यरूशलेमडा बाट्‍पा माम्‍चु़नीकु मु़चु़मिमकाम लागि ग्‍वा-ग्‍वा फमुकु दुथाम गलातियाडाम मण्‍डलीमिमलाई गो बेबेत्तोमिम होम्‍साकाङा गानी बेनी।

१ कोरिन्थी 12:11

ओर्मिम खोत्‍ले गुमी कोलेङा माम्‍चु़नी पेलकु खारी सो़। गुमीका खोत्‍लेलाई त्वाकु न बोमिमिम होम्‍साका राप्‍लावा ग्‍वामी।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

थु़र्मा 20:16

एशियालामका दालाङा लक्‍ल्‍याक्‍पा न बु़डु़मका पावलका एफिससडा मेलुक्‍साका ङा लमु न बु़डु़। हेङालोने झाममाला पेन्‍तिकोस चाडकु थारीका यरूशलेमडा रोम्‍थिमु गु छो़म छु़रु़प-छु़रु़प लु़डाम बाइडा।

थु़र्मा 20:4

मेकोतिलो बेरिया शहरडाम पुरसकु तारापाचो़ सोपात्रोस, थेसलोनिके शहरलामका रोक्‍पा अरिस्‍तार्खस, सिकन्‍दस, डर्बी शहरडाम गायस, तिमोथी, एशियाडाम तुखिकस नुङ त्रोफिमस पावलनुङ लम्‍डी।

थु़र्मा 10:19

पत्रुसका मिक्‍सीलामकु दुथाम आथावो मिम्‍डु़म बाइडालो माम्‍चु़नी-पेलका गुनुङ र्‍वाम्‍डी, “रेप्‍डा, सुले मु़चु़मिमका गानालाई माल्‍तोङा बोनामी।

लूका 1:2

माम्‍चु़नीकु जो़पा-सेला सो़पा उनी डु़ल्‍चो़मिमका ओर्मिम ल्‍वा गुकुनुङ सो़म्‍डिम बु। मे उनीमा डु़ल्‍चो़मिम ने येशूकु दुथाम नुङ येशूका खारी बोमु चो़म्‍मिडिलो आथाममिम ल्‍वा ल्‍वापा थो़पा बाम्‍डी, मा मे ल्‍वाम्‍डिम थो़म्डिम ल्‍वा वाङमिमनुङ सो़म्‍डी।

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

थु़र्मा 8:29

मेकोतिमा माम्‍चु़नी-पेलका फिलिपनुङ र्‍वाम्‍डी, “लक्‍सामा मेराम रथडलाम मु़चु़लाई क्रो़म्‍डा।”

थु़र्मा 21:27

सेपा दु़म्‍मुकु दुथाममिम उपास येतलेम लिसाका हुमु खाप्‍स्‍तु़लो एशियालामका रोक्‍पा यहूदीमिमका सो़रनेमगोनो पावललाई ल्‍वाम्‍डी, मा सेर्पा मु़चु़मिमलाई कोम्‍डिमा गुलाई चु़म्‍मिडी।

रोमी 16:5

मेर्चिपकु नेमडा खोम्‍सिक्‍पा मण्‍डलीमिमलाई सेव र्‍वाङ्साङनी। आमा द्‍वादीबुङ ङोप्‍सो़ एशियाडा खोत्‍लेडाम ङादोम थो़रलु़पा इपेनितसलाई सेव बु।

१ कोरिन्थी 16:19

एशिया क्षेत्रडाम मण्‍डलीमिमका गानीलाई सेव र्‍वाम्‍डिम बु। अकिलास नुङ प्रिस्‍किलाका मा उची नेमडा खोम्‍सिक्‍पा मण्‍डलीका वो ङाचो़कु नङडा गानीलाई उनी न-गोलामका ङा सेव र्‍वाम्‍डिम बु।