थु़र्मा 16:5 - थुलुङ राई

⁵ मेम्‍मिमका मण्‍डलीमिमकु थो़र बर्तो लस्‍ता, मा येशूडा थो़रलु़पामिम हेल्‍लो लोवो बर्तो लम्‍डी।

थु़र्मा 16:5 Referans Kwoze

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

थु़र्मा 15:41

मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।

कलस्‍सी 2:6

मेम्‍मिमका ख्रीष्‍ट येशूलाई ङाचो़ र्‍वाक्‍साका रन्‍निम होङङा गुमीडा दोनिम बानी।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

थु़र्मा 12:24

लावो माम्‍चु़नीकु सिजेम बर्तो नुङ फोन्‍सिक्‍तो लस्‍ता।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

थु़र्मा 5:14

माम्‍चु़नीडा थो़रलु़पा वोस्‍चो़-मेसेममिम हापा ङा मेर्मिमनुङ काम्‍सिमु चो़म्‍मिडी,

थु़र्मा 4:4

लावो मेर्चिपकु सिजेम थो़पामिमगोडा हापाका ङा थो़र लु़म्‍डी, मा मे थो़रलु़पा मु़चु़मिम ङो धु़मसङ (५,०००) कोति दु़म्‍मिडी।