थु़र्मा 16:35 - थुलुङ राई

³⁵ उ दिकाम मेराम शहरडाम रोमी साखामचो़मिमका मे चक्‍मा पावल नुङ सिलासलाई डिन्‍सोट्‌निची बेम्‍डिमा सिपाहीमिमलाई थु़र्मिडी।

थु़र्मा 16:35 Referans Kwoze

थु़र्मा 5:40

मेर्मिमका गुका र्‍वाक्‍ताम ल्‍वा बिम्‍सिम्‍डी। मेर्मिमका थु़र्मामिमलाई गोनो येट्‌मिडिमा याल्‍मिडी, मा “आनेपडाम्‍मा येशूकु नङडा को सि वो मेजेनी वो” बेसाका डिन्‍सोम्‍डिमी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

लूका 12:11

“मु़चु़मिमका गानीलाई चु़म्‍नीमा घ्रो़म्‍दीनेमबाडे साखामचो़मिम नुङ किब्‍दी साखामचो़मिमकामबाडे हिलाहिसी बेप्‍डा रेनिमी, मेकोतिलो गो हाम र्‍वामु, हाम सो़मु र्‍वाक्‍साका मिम्‍ताम-सो़र्ताम मेबेनी,

थु़र्मा 16:34

मे डोक्‍पु मु़चु़का पावल नुङ सिलासलाई उ नेमडा येड्‌डु़चिमा ग्रुला ग्‍वाक्‍तु़ची। माम्‍चु़नीडा थो़र लु़म्‍डिमका मे डोक्‍पु मु़चु़ नुङ उ नेमडाममिम खोत्‍लेङा छो़म गेर्सी द्‌वाम्‍डी।

थु़र्मा 16:36

मेकोतिमा मे झ्‍यालखानडाम डोक्‍पु मु़चु़का पावलनुङ र्‍वाक्‍ता, “रोमी साखामचो़मिमका गानी नुङ सिलासलाई डिन्‍सोट्‌निची र्‍वाम्‍डिम बु। मेम्‍मिमका ओम्‍लो गानी इनीमा न-गो भ्रसिक्‍तो लक्‍नी।”

थु़र्मा 16:38

मे सिपाहीमिमका शहरडाम साखामचो़मिमलाई ओर्मिम ल्‍वा थो़बेट्‌मिडी, मा पावल नुङ सिलास रोमी नागरिक र्‍वाक्‍पा थो़म्‍डिमा मेर्मिम छो़म ङिम्‍डी।