थु़र्मा 16:34 - थुलुङ राई

³⁴ मे डोक्‍पु मु़चु़का पावल नुङ सिलासलाई उ नेमडा येड्‌डु़चिमा ग्रुला ग्‍वाक्‍तु़ची। माम्‍चु़नीडा थो़र लु़म्‍डिमका मे डोक्‍पु मु़चु़ नुङ उ नेमडाममिम खोत्‍लेङा छो़म गेर्सी द्‌वाम्‍डी।

थु़र्मा 16:34 Referans Kwoze

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

फिलेमोन 1:7

आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

फिलिप्‍पी 4:17

गो ख्‍लो़ला सो़सिमु मालुमिम मेएँ, लावो गानी ग्‍वानिमका माम्‍चु़नीलाम ल्‍वानिमिम इनीमा पुरस्‍कार काम्‍सिक्‍तो लनु़ र्‍वाक्‍पा आमा न बु।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

थु़र्मा 11:14

गुका गानालाई र्‍वामिम सिजेममिमका गाना नुङ खोत्‍ले इमा नेमडाम मु़चु़मिम सेल्‍सिनी”।’

थु़र्मा 8:39

मेर्चिप कुलामका पाखाडा लुक्‍गेच्‍ची, मा कोचोत्ति माम्‍चु़नी-पेलका फिलिपलाई वाङथो़ ङा लम्‍डी, मा मेरामका आथा ने फिलिपलाई मेल्‍वासु़वा, मा मे नपुंसक गेर्सी द्‌वाक्‍तो उ नेम ख्‍लोस्‍ता।

लूका 19:6

गु लुक्‍तामा योक्‍ल्‍याड्‌डा। मेकोतिमा छो़म गेर्सिद्‌वाक्‍तो गुमीलाई उमा नेमडा येड्‌डु़।

लूका 15:32

लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

लूका 5:29

मेकोतिमा लेवीका येशूलाई उमा नेमडा ग्रुला पेप्‍डा येड्‌डु़मी। मेसिन्‍डा कर फक्‍पा मु़चु़मिम नुङ वाङमिम सेर्पा बोच्‍चो़मिम वो पेप्‍डा गन्‍मिडिम बाइडा।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

थु़र्मा 16:35

उ दिकाम मेराम शहरडाम रोमी साखामचो़मिमका मे चक्‍मा पावल नुङ सिलासलाई डिन्‍सोट्‌निची बेम्‍डिमा सिपाहीमिमलाई थु़र्मिडी।