थु़र्मा 16:3 - थुलुङ राई

³ तिमोथी वो पावलका उ त्‍वापनुङ लमु न बु़डु़। मेराम देलडा यहूदीमिम बाम्‍डिमका पावलका उमा खिरिरि-क्रिप्‍साड्‌डु़। हेङालोने तिमोथीकु पाप ग्रीक बाइडा र्‍वाक्‍पा मेर्मिम खोत्‍लेका चम्‍डिम बाइडा।

थु़र्मा 16:3 Referans Kwoze

गलाती 2:3

गोनुङ लक्‍पा तीतस ग्रीक मु़चु़ लोवो उमा कोक्‍ते खिरिरि क्रिप्‍सी दु़म्‍मु बासी र्‍वाक्‍साका सु़का वो मेर्‍वाक्‍मिवा।

१ कोरिन्थी 9:20

यहूदीमिमनुङ खारी बेउतोलो मेर्मिमका ख्रीष्‍टडा थो़र लु़मिनु र्‍वाक्‍साका गो यहूदीमिम होप्‍मामङा दु़म्‍ङोरो। गो डु़म्‍ला होम्‍साका मेदोपा लोवो डु़म्‍ला होम्‍साका दोपामिमलाई थो़र लु़बेन्‍मुमि लागि डु़म्‍ला होम्‍साका दोपा होप्‍मामङा दु़म्‍ङोरो।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

गलाती 2:8

पत्रुसलाई यहूदीमिमगोडाम थु़र्मा दु़म्‍साका जो़पा-सेला दो़पा खारी बेबेट्‌मिडिम माम्‍चु़नीकाङा गोलाई वो वाङसामामिमगोडा जो़पा-सेला दो़बेट्‌ङिडिमी।

१ कोरिन्थी 7:19

हेङालोने खिरिरि क्रिप्‍सी बोमु नुङ मेबोमु हाम वो मेएँ, लावो माम्‍चु़नीका र्‍वामिमिम होम्‍साका बोमुङा डोक्‍पु सो़।

थु़र्मा 15:40

लावो पावलका ने उ त्‍वाप ख्‍लो़पा सिलासलाई छेड्‌डु़। मेकोतिमा मेसिन्‍डाम थो़रलु़पामिमका माम्‍चु़नीकु ल्‍वाड्‌डा ग्‍वाम्‍डिम चङ्‌डा मेर्चिप लक्‍ची।

थु़र्मा 15:37

बारनाबासका मर्कूस र्‍वाक्‍मा यूहन्‍नालाई उची त्‍वापनुङ लमु न बु़डु़।

थु़र्मा 15:20

लावो मेर्मिमलाई ओराम ल्‍वा र्‍याकिमा थु़र्सी– ङाटाकु नङ बेम्‍मामिम हाम वो मेपेनी, नाम्‍सु़रु़ मेबेनी, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि मेपेनी।

फिलिप्‍पी 2:22

लावो तिमोथी ने हेप्‍माम मु़चु़ र्‍वाक्‍पा गानी चनिमङा बु, मा चो़का उमा पापनुङ बु़मिम होङङा गुका गोनुङ जो़पा-सेलाकु खारी बु़डु़म बु।