थु़र्मा 16:29 - थुलुङ राई

²⁹ मेकोतिमा मे डोक्‍पु मु़चु़का धिप्‍री बिइयु़डु़मा ओन्‍तो झ्‍यालखानगोनो हुङडा, मा उ ङिमुका रुत्तो पावल नुङ सिलासकु ङादोडा खुम्‍बु बु़डु़।

थु़र्मा 16:29 Referans Kwoze

रेम्‍बेट्‌मिडिम ल्‍वा 3:9

शैतानकु घ्रो़म्‍दीनेमडाम मु़चु़मिम उहेमका उनी त्‍वापलाई यहूदी र्‍वामी लावो यहूदी ने मेएँ मेर्मिम ने लिमाचो़मिम सो़। मेर्मिमलाई गो इमाडा रेट्‌पुमी मा इमा खेल चु़म्‍बेसाका सेव सान्‍बेट्‌पुमी। मेम्‍मा गो गानालाई रिखाम बोनी र्‍वाक्‍पा मेर्मिमका चमी।

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

थु़र्मा 16:19

मेराम डु़ल्‍चो़मेकु नेमहपमिमका खउलुङ डु़पा लाम्‍दी हुक्‍ता र्‍वाक्‍पा चम्‍डी। मेम्‍मा पावल नुङ सिलासलाई चु़म्‍साका बजारडाम साखामचो़मिमकाडा थु़त्तो लम्‍डी।

थु़र्मा 16:28

लावो पावलका डोक्‍पु लो़लामका र्‍वाक्‍ता, “इनी त्‍वापलाई हाम वो मेबेनी, गुकु खोत्‍ले आसिङा बुकु।”