थु़र्मा 16:26 - थुलुङ राई

²⁶ मेकोतिलोङा कोचोत्ति कोले डोक्‍पु सुबु-रुक्‍सी रोक्‍ता, मा मे झ्‍यालखान ङा रक्‍तु़। मेकोतिमा खोत्‍ले लाम्‍चोकोमिम होल्‍सिम्‍डी, मा खोत्‍ले सेल रिवामिम ब्रोम्‍सिम्‍डी।

थु़र्मा 16:26 Referans Kwoze

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

थु़र्मा 12:10

पाह्रीचो़ नुङ पत्रुस नक टोली सिपाहीमिम बाखोप ख्‍वाक्‍लेच्‍चिमा शहरडाम डोक्‍पु सेलकु लाम्‍चोकोडा रोक्‍फाट्‌ची। मेराम सेलकु लाम्चोको उ त्‍वाप ङा होल्‍सिड्‌डामा मेर्चिप पाखानो लुक्‍ची। मेकोतिमा कोङ लाम्‍दी ख्‍वाक्‍चिम चङडा पत्रुसलाई डिट्जो़ल्‍लु़मा पाह्रीचो़ लस्‍ल्‍याड्‌डा।

थु़र्मा 12:7

मेकोतिलोङा कोचोत्ति मिप्रङमाकु कोङ पाह्रीचो़ मेसिन्‍डा रेम्‍बेसिड्‌डा, मा पत्रुस चसिड्‌डाम बाखोपडा ओल झ्‍वाक्‍ता। मेकोतिमा पाह्रीचो़का पत्रुसलाई उ फेट-फेटडा याक्‍तु़, मा “दाला बका” र्‍वाक्‍तामा फक्‍तु़। मेकोतिलोङा सेल रिवाचिप पत्रुसकु ल्‍वालामका भ्रोसिक्‍चिमा आल्‍सिक्‍ची।

मत्ती 28:2

मेसिन्‍डा कोचोत्ति सुबुरुक्‍सी लस्‍ता, हेङालोने पाह्रीलामका मिप्रङमाकु कोले पाह्रीचो़ योक्‍ता। मेम्‍मा सु़लु़मकु ख्रेमलुङ रिल्‍लु़मा मेडला गन्‍डा।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 6:12

भेन्‍दाचो़का रुनोम छाप पिम्‍डिम गो ल्‍वाउतो मा मेसिन्‍डा कोङ डोक्‍पु सुबुरुक्‍पा रोक्‍ता। नेम्‍सुङ तुकुम्‍चिम होप्‍माम केकेया दु़स्‍ता मा ख्‍लो़मु सिसि होप्‍माम लालाया दु़स्‍ता।