थु़र्मा 16:22 - थुलुङ राई

²² मेकोतिमा सेर्पा मु़चु़मिम कोङ सि दु़म्‍मिडिमा पावल नुङ सिलासलाई याल्‍ला हुचिबम्‍डी। रोमी ङाउमिमका मेर्चिपकु ये आ़म्‍साम्‍डिची, मा मेर्चिपलाई कोक्‍तेकु रिवाका याल्‍बेट्‌मिडिची।

थु़र्मा 16:22 Referans Kwoze

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

२ कोरिन्‍थी 6:5

गुकु याल्‍ला सो़सित्तोको, चला सो़सित्तोको मा मु़चु़मिमलाम मेजो़पा बेला सो़सित्तोको, ब्राम्‍दु़ल्‍वा बेत्तोको, सिन्‍था अम्‍मु मेल्‍वाकुवा मा क्रु़मङा बात्तोको।

हिब्रू 11:36

याङ सेम्‍ला बेन्‍ला सो़म्‍सिम्‍डी, मा कोक्‍तेकु याल्‍खोपका याल्‍ला सो़म्‍सिम्‍डी, मा याङ ने बन्‍ला सो़म्‍सिम्‍डी, चला सो़म्‍सिम्‍डी।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

थु़र्मा 17:5

लावो वाङमिम यहूदीमिमका ने मेर्मिमडला उनी नाचु़रका बजारबाडेम ङाल्‍पामिमलाई खोप्‍साका शहरडा ङाल्‍बेट्‌मिडी। पावल नुङ सिलासलाई सेर्पा मु़चु़मिमकु ङादोडा रेन्‍मुमा येम्‍सिबेन्‍मु लागि मेर्मिम यासोनकु नेमथो़ लम्‍ल्‍याम्‍डी।

थु़र्मा 16:37

लावो पावलका सिपाहीमिमनुङ र्‍वाक्‍ता, “गुचुकु रोमीकाम नागरिक बात्तो-बात्तो वो खोत्‍ले मु़चु़मिमकु ङादोडा हिलाहिसी मेबेसाका ङा मेर्मिमका याल्‍चिकिमिमा चक्‍चिकिमी। मेकोतिमा आकोतिलो ने गुचुकुलाई लिबावा डिन्‍सोमु न बोमी? मेमका ने मेनु़। मेर्मिम उनी त्‍वाप ङा रोमिनु़, मा गुचुकुलाई डिन्‍चिकिमिनु़।”

थु़र्मा 5:40

मेर्मिमका गुका र्‍वाक्‍ताम ल्‍वा बिम्‍सिम्‍डी। मेर्मिमका थु़र्मामिमलाई गोनो येट्‌मिडिमा याल्‍मिडी, मा “आनेपडाम्‍मा येशूकु नङडा को सि वो मेजेनी वो” बेसाका डिन्‍सोम्‍डिमी।

मत्ती 27:26

मेकोतिमा पिलातसका बारब्‍बालाई डिसाड्‌डु़मी। लावो येशूलाई कोक्‍तेकु रिबाका याल्‍बेड्‌डु़मा क्रूसडा चेन्‍मु लागि सिपाहीमिमकु ल्‍वाड्‌डा ग्‍वाक्‍तु़मी।

मत्ती 10:17

मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।

लूका 12:11

“मु़चु़मिमका गानीलाई चु़म्‍नीमा घ्रो़म्‍दीनेमबाडे साखामचो़मिम नुङ किब्‍दी साखामचो़मिमकामबाडे हिलाहिसी बेप्‍डा रेनिमी, मेकोतिलो गो हाम र्‍वामु, हाम सो़मु र्‍वाक्‍साका मिम्‍ताम-सो़र्ताम मेबेनी,