थु़र्मा 16:19 - थुलुङ राई

¹⁹ मेराम डु़ल्‍चो़मेकु नेमहपमिमका खउलुङ डु़पा लाम्‍दी हुक्‍ता र्‍वाक्‍पा चम्‍डी। मेम्‍मा पावल नुङ सिलासलाई चु़म्‍साका बजारडाम साखामचो़मिमकाडा थु़त्तो लम्‍डी।

थु़र्मा 16:19 Referans Kwoze

थु़र्मा 21:30

आरेसाका येम्‍डिम-दुम्‍डिम ल्‍वा शहरडा खोत्‍लेथो़ थो़म्‍डी, मा मु़चु़मिम खोत्‍लेलामका मेसिन्‍डा ओन्‍तो रोम्‍डी। मेर्मिमका पावललाई सो़रनेमगोलामका रो़-रो़न्‍थु़त्तो पाखानो ख्‍लुम्‍डी, मा सो़रनेमकु लाम्‍चोको चम्‍ल्‍याम्‍डी।

थु़र्मा 17:6

पावल नुङ सिलासलाई मेसिन्‍डा मेडार्मिवामका मेर्मिमका यासोन नुङ कोङ-कोङ थो़रलु़पामिमलाई शहरडाम साखामचो़मिमकाडा येत्तो रो़-रो़न्‍थु़त्तो रेट्‌मिडी, “सु़म्‍दिसेरडा खोत्‍लेथो़ ब्‍लो़ब्‍बाल्‍पा पावल नुङ सिलास आसिन्‍डा वो रोक्‍फाम्‍चिम बु।

२ कोरिन्‍थी 6:5

गुकु याल्‍ला सो़सित्तोको, चला सो़सित्तोको मा मु़चु़मिमलाम मेजो़पा बेला सो़सित्तोको, ब्राम्‍दु़ल्‍वा बेत्तोको, सिन्‍था अम्‍मु मेल्‍वाकुवा मा क्रु़मङा बात्तोको।

थु़र्मा 16:16

कोलेम गुकु सो़म्‍दी बेखोप खोमयु़ लक्‍तोकोलो मुनाङका हुपा कोले डु़ल्‍चो़मे डार्तोको। मेरामका मु़चु़मिमकु र्‍याङमा सो़साका उ नेमहपमिमकाम लागि छो़म खउलुङ डु़प्‍थाल्‍लु़।

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 15:26

पावल नुङ बारनाबासका उनीमा लाले-पाङके बोमु उचीमा मिरो़म ङा इकीमा ङाचो़ येशू ख्रीष्‍टकु ल्‍वाडा ग्‍वाक्‍चिम बु।

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 14:5

वाङसामा नुङ यहूदीमिमका उनी साखामचो़मिमनुङ दु़म्‍साका थु़र्माचिपलाई दु़खा ग्‍वामु नुङ लुङका ओम्‍मुमा सेन्‍मु माल्‍मिडी।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

मत्ती 24:9

“मेकोतिमा मु़चु़मिमका गानीलाई चु़म्‍नीमा इनीमा थो़मतेर्बेन्‍मी, मा सेन्‍बेन्‍मी। गोडला गानी थो़रलु़न्‍निमका खोत्‍ले सामामिमका गानीलाई मेद्‌वानिमी।

याकूब 2:6

लावो गानी उ हाम वो मेबाट्‌पामिमलाई मेजो़पा बेन्‍निम बु। हाम खाप्‍चीचो़मिमका गानीलाई छेम-छेम मेडनिमि मा? मेर्मिमका गानीलाई रो़-रो़न्‍थु़त्तो अदालतडा मेलनिवा मा?

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

थु़र्मा 15:40

लावो पावलका ने उ त्‍वाप ख्‍लो़पा सिलासलाई छेड्‌डु़। मेकोतिमा मेसिन्‍डाम थो़रलु़पामिमका माम्‍चु़नीकु ल्‍वाड्‌डा ग्‍वाम्‍डिम चङ्‌डा मेर्चिप लक्‍ची।

थु़र्मा 16:20

मेर्मिमका मेर्चिपलाई मे रोमी साखामचो़मिमकाडा रेट्‌मिडिमा र्‍वाम्‍डी, “ओर्चिप यहूदीचिप ङाल्‍चिमा इकीमा शहरडाम मु़चु़मिमलाई छो़म दु़खा ग्‍वाक्‍तोङा लेन्‍चिमिम बु।

थु़र्मा 16:25

सिन्‍थाम को-न (१२) जेस्‍ताम बिलि पावल नुङ सिलासका सो़म्‍दी बेत्तो माम्‍चु़नीकु काम्‍सो बेच्‍चिम बाच्‍ची, मा वाङमिम चक्‍मामिमका ने मेराम थो़म्‍डिहोम बाम्‍डी।

थु़र्मा 16:29

मेकोतिमा मे डोक्‍पु मु़चु़का धिप्‍री बिइयु़डु़मा ओन्‍तो झ्‍यालखानगोनो हुङडा, मा उ ङिमुका रुत्तो पावल नुङ सिलासकु ङादोडा खुम्‍बु बु़डु़।

फिलिप्‍पी 1:30

गोडला दु़स्‍ताम दु़खा गानी इनीमा मिक्‍सीका ल्‍वान्‍नी, मा ओम्‍लो वो गोडला दु़खा दु़म्‍तोङा लेडु़ र्‍वाक्‍पा थो़निम बुनी। मेराम दु़खालामङा गानी वो लक्‍तो बोनी।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।