थु़र्मा 16:16 - थुलुङ राई

¹⁶ कोलेम गुकु सो़म्‍दी बेखोप खोमयु़ लक्‍तोकोलो मुनाङका हुपा कोले डु़ल्‍चो़मे डार्तोको। मेरामका मु़चु़मिमकु र्‍याङमा सो़साका उ नेमहपमिमकाम लागि छो़म खउलुङ डु़प्‍थाल्‍लु़।

थु़र्मा 16:16 Referans Kwoze

गलाती 5:20

ङाटा सेव सान्‍मु, होन्मु-जोन्मु, त्‍वाप-त्‍वापगोडा द्‍वा मेबोमु, रिबुसी किन्‍मु, नाचु़र बोमु, छोक्‍चो बोमु, त्‍वाप कोङङा जो़पा दु़म्‍मु माल्‍मु, गो-फ बोमु, त्‍वाप-त्‍वापगोडा न मेघ्रो़म्‍पा मु़चु़मिमडाम फ्‍वाम्‍सिमु,

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

२ तिमोथी 3:8

माम्‍चु़नीलाम-जेपा मोशाकु कोर्थो़लाम यान्‍नेस नुङ याम्‍ब्रेस बक्‍चिम होम्‍साका ओर्मिम मु़चु़ वो आच्‍छाङाकाम ल्‍वाकु कोर्थो़लाम बमी। ओर्मिम मु़चु़कु न झिप्‍स्‍ताम बु, मा उनीमा थो़र आच्‍छाङाकाम मिबु।

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

थु़र्मा 16:13

ङेम्‍सिमुनेम गुकु ब्‍लोकुथो़ लक्‍पा शहरकु पाखालाममिम लाम्‍चोकोलाम लक्‍तोको। सो़म्‍दी बेखोप खोम बु र्‍वाक्‍पा मिम्‍सित्तोकोमा गुकु मेसिन्‍डा लक्‍तोको, मा मेसिन्‍डा खोम्‍सिक्‍पा मेसेममिमनुङ ल्‍वा जेमु चो़म्‍तोको।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

थु़र्मा 19:24

हेङालोने मतोकु खारी बेपा डेमेत्रियस नङकाम कोले मु़चु़ बाइडा। मेरामका आर्तेमिस नो़पमाकु याक्‍के-याक्‍केतो मतोकु सो़रनेम होप्‍माम बनेबु़थाल्‍लु़, मा मत्तोकु खारी बेपामिमलाई छो़म खउलुङ डु़प्‍साड्‌डु़मिम बाइडा।

थु़र्मा 16:19

मेराम डु़ल्‍चो़मेकु नेमहपमिमका खउलुङ डु़पा लाम्‍दी हुक्‍ता र्‍वाक्‍पा चम्‍डी। मेम्‍मा पावल नुङ सिलासलाई चु़म्‍साका बजारडाम साखामचो़मिमकाडा थु़त्तो लम्‍डी।