थु़र्मा 16:15 - थुलुङ राई

¹⁵ मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

थु़र्मा 16:15 Referans Kwoze

थु़र्मा 11:14

गुका गानालाई र्‍वामिम सिजेममिमका गाना नुङ खोत्‍ले इमा नेमडाम मु़चु़मिम सेल्‍सिनी”।’

हिब्रू 13:2

इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

थु़र्मा 16:33

सिन्‍थाम मेराम थारीका ङा मेरामका पावल नुङ सिलासलाई लडु़चिमा उची पार सो़ल्‍साड्‌डु़ची। मेकोतिमा डोक्‍पु मु़चु़ नुङ उ नेमडाम खोत्‍लेका कु-रु़दु़म रम्‍ल्‍याम्‍डी।

लूका 24:29

लावो मेर्चिपका गुमीलाई “गुचुकुनुङङा बुइ हेङालोने दुङमा र्‍यामु खाप्‍डु़म बु” र्‍वाक्‍चिम-र्‍वाक्‍चिमङा बेच्‍ची। मेकोतिमा गुमी मेर्चिपनुङङा बुमु लागि नेमगोनो हुम्‍डी।

३ यूहन्‍ना 1:8

मेम्‍मिमका आच्‍छाङाकाम ल्‍वाकु खारीडा गुइ वो बाम्‍सिमु लागि आरेप्‍माम मु़चु़मिमलाई गुइ ख्‍लो़मुमि बासी।

३ यूहन्‍ना 1:5

द्‌वादीबुङ ङोप्‍सो़, थो़र लु़पा वा-ल्‍वाकमिमलाई, मेर्मिम मेछेनामिवामङा बाम्‍डी लोवो मेर्मिमलाई रेम्मुडा गाना थो़रलु़इमिम बुना।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

फिलेमोन 1:17

गानानुङ कोयोङा खारी बेपा ङोप्‍सो़ र्‍वाक्‍साका गोलाई मिम्‍ङी माला गोलाई होम्‍साकाङा गुलाई वो रङा।

फिलिप्‍पी 1:7

गानी खोत्‍लेकु दुथाम आरेसाका मिम्‍मु जो़पा लु़ङडोम बु, मा गानीलाई आमा नगोडा जु़ल्‍निनी। हेङालोने गो होम्‍लो चसिक्‍पा बुङुलो मा मेचसिथु़म वो जो़पा-सेला थो़बेन्मुनुङ मेरामलाई बोत्तो-थार्तोमडा गानी वो गोनुङङा माम्चु़नीकु दिदाम ल्‍वान्‍निम बु।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

रोमी 16:23

आमा चापेडुपे बेपा मा खोत्‍ले मण्‍डलीलाई हुनाखाना बेपा गायसका गानीलाई सेव र्‍वाक्‍ताम बु। गायसकु नेमडा खोम्‍सिक्‍पामिम खोत्‍लेकाम सेव बु। ओराम शहरडाम कोषाध्‍यक्ष इरास्‍तस नुङ क्‍वार्टस ल्‍वाकचिपका वो गानीलाई सेव र्‍वाक्‍चिम बु।

२ यूहन्‍ना 1:10

कोङनिम मु़चु़ इनीमा घ्रो़म्‍दीडा रो मा ओराम सीसि मेरेडु़वा माला मेराम मु़चु़लाई नेमडा मेयेट्‌नी। सेव मेसाट्‌नी।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

थु़र्मा 8:38

मेकोतिमा मे नपुंसकका रथ थो़पालाई ङेसिबेबेड्‌डु़, मा फिलिप नुङ मे नपुंसक निफिङा कु बाट्‌पायु़ लक्‍ची, मा मेरामका नपुंसकलाई कु-रु़दु़म ग्‍वाक्‍तु़।

थु़र्मा 8:12

लावो फिलिपका मेर्मिमलाई माम्‍चु़नीकु किब्‍दीकु दुथाम नुङ येशू ख्रीष्‍टकु नङकु दुथाम जो़पा-सेला थो़बेड्‌डु़मी, उमा ल्‍वा थो़म्‍डिमा वोस्‍चो़-मेसेममिमका येशूडा थो़रलु़म्‍डिमा कु-रु़दु़म रम्‍डी।

लूका 14:23

“नेमहपका उ डु़ल्‍चो़लाई र्‍वाक्‍ता, ‘हापा भापा लाम्‍दी नुङ याक्‍के लाम्‍दीबाडे लक्‍सामा मु़चु़मिमलाई रोक्‍नीमा रोक्‍नी बेमी, मा मे मु़चु़मिमका आमा नेम देम्‍नु़।

मत्ती 10:41

उहेमका माम्‍चु़नीलाम-जेपालाई माम्‍चु़नीलाम-जेपा होङङा रङु़, मेरामका माम्‍चु़नीलाम-जेपाकाम पुरस्‍कार ङा ल्‍वासु़। उहेमका माम्‍चु़नीकु ङादोडा जो़पा दु़म्‍पा मु़चु़लाई माम्‍चु़नीकु ङादोडा जो़पा दु़म्‍पा होङङा रङु़, मेरामका माम्‍चु़नीकु ङादोडा जो़पा दु़म्‍पाकाम पुरस्‍कार ङा ल्‍वासु़।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

थु़र्मा 16:31

मेर्चिपका र्‍वाक्‍ची, “येशू ख्रीष्‍टडा थो़र लु़नी, मा गानी नुङ इनीमा नेमडाममिम खोत्‍लेङा सेल्‍सिनी।”

थु़र्मा 16:34

मे डोक्‍पु मु़चु़का पावल नुङ सिलासलाई उ नेमडा येड्‌डु़चिमा ग्रुला ग्‍वाक्‍तु़ची। माम्‍चु़नीडा थो़र लु़म्‍डिमका मे डोक्‍पु मु़चु़ नुङ उ नेमडाममिम खोत्‍लेङा छो़म गेर्सी द्‌वाम्‍डी।