थु़र्मा 16:14 - थुलुङ राई

¹⁴ मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

थु़र्मा 16:14 Referans Kwoze

लूका 24:45

मेकोतिमा गुमीका माम्‍चु़नीकु सिजेमडाम ल्‍वा थेसिथेट्‌पा नेप्‍ची मेर्मिमलाई ग्‍वाम्‍डी।

रेम्‍बेट्‌मिडिम ल्‍वा 3:20

थो़सा, गो लाम्‍चोकोडा येम्‍सिङुमा हेला बेउ। कोङनिमका आमा लो़लाम थो़सु़मा लाम्‍चोको होलु़ माला गो मेगोनो बिङु मा गुनुङ पोचुकु-डुचुकु मा गुका गोनुङ पु़।

रोमी 9:16

मेम्‍मिमका माम्‍चु़नीका गुलाई मु़चु़कु न होम्‍साका येट्‌मिमडिम मेएँ, लावो उनीमा त्‍वाकु दिदामका येट्‌मिडिम सो़।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

थु़र्मा 18:7

मेकोतिमा पावल मेलामका लुक्‍तामा घ्रो़म्‍दीनेमकु फार्डा बाट्‌पा माम्‍चु़नीकु सो़रलोले बेपा तीतस युस्‍तसकु नेमडा लस्‍ता।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

थु़र्मा 8:27

मेकोतिमा फिलिप बक्‍तामा लस्‍ता, मा कोले इथियोपियाडाम नपुंसकनुङ घ्रो़म्‍ची। मेराम मु़चु़ इथियोपिया नेब्‍दीडाम मेसेम हप कन्‍दाकीकु डोक्‍पु साखामचो़नुङ खोत्‍ले उ खाप्‍ची रेप्‍साक्‍पा मु़चु़ बाइडा। गु यरूशलेमडा माम्‍चु़नीकु सो़रलोले बेप्‍डा लस्‍ताम बाइडा,

यूहन्‍ना 12:20

मेराम चङडा सो़रलोले बेप्‍डा लक्‍पामिमगोडाम कोङनिम ग्रीकमिम वो बाम्‍डी।

थु़र्मा 13:43

माम्‍चु़नीकु सो़रलोले बेम्‍डिम चङडा हापा यहूदीमिम नुङ यहूदी दु़म्‍पा माम्‍चु़नीकु ङिम जु़ल्‍पा वाङसामामिम पावल नुङ बारनाबासकु चङचङ लाम्‍दिम्‍डी। मेकोतिमा मेर्चिपका मेर्मिमनुङ ल्‍वा बेत्तो मेर्मिमलाई माम्‍चु़नीकु दिदामडा बानी र्‍वाक्‍साका सो हन्‍बेसाच्‍चिमी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

थु़र्मा 16:40

पावल नुङ सिलास झ्‍यालखानलामका लुक्‍चिम चङडा लिडियाकु नेमडा ख्‍लोसिक्‍ची। मेसिन्‍डा मेर्चिपका थो़रलु़पामिमलाई क्रो़म्‍चिमी, मा आथावो मेर्मिमकु सो हन्‍बेसाच्‍चिमी। मेकोतिमा मेर्चिप शहरलामका वाङथो़ ङा लक्‍ची।