थु़र्मा 16:1 - थुलुङ राई

¹ पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

थु़र्मा 16:1 Referans Kwoze

२ तिमोथी 1:5

गो इमा आच्‍छाङाकाम थो़र मिम्‍पु, मा ङादो मेराम थो़र इमा मिमी लोइस नुङ इमा माम युनिसडा बाइडा। मेराम थो़र गानानुङ वो बु र्‍वाक्‍पा गो लु़ङडोम बु।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

थु़र्मा 18:5

सिलास नुङ तिमोथी माकेडोनियालामका रोक्‍फाट्‌ची, मा पावलका हेल्‍लो लोवो माम्‍चु़नीकु सिजेम कोङङा दो़स्‍तु़होम बाइडा। गुका यहूदीमिमलाई येशू ङा ख्रीष्‍ट र्‍वाक्‍पा सीड्‌डु़मी।

थु़र्मा 17:14

मेम्‍मिमका थो़रलु़पामिमका पावललाई दिरिदिनकु सो़पथो़ थु़र्थाम्‍डी, लावो सिलास नुङ तिमोथी ने मेसिङा बाच्‍ची।

२ थेसलोनिकी 1:1

गो पावल, सिलास नुङ तिमोथीका गानी माम्‍चु़नी इकीमा पाप नुङ ङाचो़ येशू ख्रीष्‍टकु मण्‍डली थेसलोनिकीमिमलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टलामका गानी दिदाम नुङ न-भ्रसी ल्‍वानी।

कलस्‍सी 1:1

माम्‍चु़नीकु नलामका ख्रीष्‍ट येशूकु थु़र्मा मु़चु़ दु़म्‍ङोडोम गो पावल नुङ गुइ होम्‍साकाङा येशूडा थो़र बेपा ल्वाक तिमोथीका,

फिलिप्‍पी 2:19

ङाचो़ येशूका न बेम्‍डी माला दालाङा गो तिमोथीलाई इनीमाडा थु़रु र्‍वाक्‍पा आमा न बु, मेम्‍साका इनीमा दुथाममिम सेला थो़उमा गो गेर्सी द्‌वाङु।

रोमी 16:21

गोनुङङा खारी बेपा तिमोथी मा आमा यहूदी ल्‍वाकमिम लुकियस, यासोन नुङ सोसिपात्रोसका वो गानीलाई सेव र्‍वाम्‍डिम बु।

थु़र्मा 14:6

मेर्चिपका ओराम ल्‍वा थो़च्‍चिमा लुकोनियाडाम लुस्‍त्रा शहर, डर्बी शहर नुङ होनो-आथो़म देलबाडे स्‍वाच्‍ची।

हिब्रू 13:23

ओराम सेला वो थो़नी। इकीमा ल्‍वाक तिमोथी झ्‍यालखानलामका लुमु दु़स्‍तु़म बु। गु दालाङा आमाडा रोक्‍ता माला गुनुङङा गो गानीलाई क्रो़म्‍डा रोङु।

१ तिमोथी 1:18

आमा तारापाचो़ होप्‍माम तिमोथी, इमा दुथाम ङादो माम्‍चु़नीलाम जेम्‍मा होङङा गो गानालाई बेबेनी। जो़पा क्‍वाल्‍बा बोमु मेर्मिम ल्‍वा होङङा बे।

१ थेसलोनिकी 1:1

गो पावल, सिलास नुङ तिमोथीका गानी थेसलोनिकीडाम मण्‍डलीलाई ओराम सेलाखाजेम र्‍याक्‍तोङा बोकु। माम्‍चु़नी पाप नुङ ङाचो़ येशू ख्रीष्‍टडा गानी बुनी। माम्‍चु़नीलाम दिदाम नुङ न-भ्रसी ल्‍वानी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

२ तिमोथी 3:11

एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

२ कोरिन्‍थी 1:19

गो, सिलास नुङ तिमोथीका गानीलाई थो़बेत्तोकोम माम्‍चु़नीकु तारापाचो़ येशू ख्रीष्‍टडा “आच्‍छाङा” नुङ “मेएँ” र्‍वाक्‍पा ल्‍वा मेबायावा। लावो गुमीडा हेल्‍लो लोवो “आच्‍छाङा” कोङङा दु़म।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

१ कोरिन्थी 7:14

हेङालोने थो़रमेलु़पा वोचु़ उ नाइमे थो़रलु़पा बुमिमका माम्चु़नीका रमु घ्रेट्‍पा दु़म, मेम्साका ङा थो़रमेलु़पा नाइमेकाम वो उ वोचु़ थो़रलु़पा बुमिमका माम्‍चु़नीका रमु घ्रेट्‍पा दु़म। मेएँ माला ने उचीमा चो़च्‍चो़मिम मेसेपा दु़म्‍मिवा, लावो मेर्मिम ने माम्‍चु़नीका रमु घ्रेट्‍पाङा बुमी।

थु़र्मा 14:21

पावल नुङ बारनाबासका मेराम शहरडा जो़पा-सेला थो़बेच्‍चिमिमा सेर्पा सीसिपामिम दु़म्‍बेट्‌चिमी। मेकोतिमा मेर्चिप लुस्‍त्रा, आइकोनियन शहर नुङ पिसिदियाकु एन्‍टिओखिया शहरडा ख्‍लोसिक्‍ची।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

१ कोरिन्थी 16:10

तिमोथी इनीमाडा रोलो मिम्ताम-सो़र्ताम मेबेसाका गानीनुङ बुमु ग्‍वाक्‍नी। हेङालोने गुका वो गो होम्‍साकाङा ङाचो़कु खारी बेत्तोङा लेडु़।

फिलेमोन 1:1

ख्रीष्‍ट येशूकु जो़पा-सेला थो़बेत्तोमिलो चसिङडोम गो पावल नुङ इकीमा ल्‍वाक तिमोथीका, आकीमा द्‌वादीबुङ ङोप्‍सो़ मा गुकुनुङ खारी बेपा फिलेमोनलाई ओराम सेलाखाजेम र्‍याक्‍चोकोम बु।