थु़र्मा 15:7 - थुलुङ राई

⁷ थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 15:7 Referans Kwoze

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

थु़र्मा 10:20

मेम्‍मिमका बका, मा ध्‍वायु़ लक्‍सामा इमा नड्‌डा हाम वो मेमुर्सिक्‍साका मेर्मिमनुङ लक्‍सा, हेङालोने मेर्मिमलाई गो थु़र्तोमिम सो़।”

फिलिप्‍पी 2:14

सु़म्‍बुर्मा मेकिसाका नुङ कुमेबेसाका खोत्‍ले खारी बेनी।

थु़र्मा 15:39

पावल नुङ बारनाबास छो़म डोक्‍पु गो फ दु़म्‍ची, मा मेर्चिप फ्‍वासिक्‍ची। मेकोतिमा मर्कूस र्‍वाक्‍मा यूहन्‍ना नुङ बारनाबास कुबी-बोक्‍सालामका साइप्रस टापुथो़ लक्‍ची।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

थु़र्मा 4:25

आकीमा ङाउ-खुउ इनीमा डु़ल्‍चो़ दाऊदकु सिलामका गानी इनी पेलका आरेसाका जेन्‍नी, ‘वाङसामामिम हेङा उनी छोक्‍चो बक्‍ता, मा हेङा मु़चु़मिमका हाम ना हामकाम मुलु़ बेम्‍डी?

थु़र्मा 3:18

ख्रीष्‍टका दु़खा ल्‍वामु बासी र्‍वाक्‍साका माम्‍चु़नीका खोत्‍ले माम्‍चु़नीलाम-जेपामिमकु सिलामका जेम्‍डिम सिजेम आरेसाका रोक्‍थिड्‌डा।

थु़र्मा 1:24

मेकोतिमा मेर्मिमका आरे र्‍वाम्‍डिमा सो़म्‍दी बेम्‍डी, “खोत्‍ले मु़चु़मिमकु न-गो ल्‍वापा माम्‍चु़नी, ओर्चिपगोडा गानी उहेमलाई छेट्‌निम बु, मेराम गुकुनुङ रेम्‍बेनी।

थु़र्मा 1:16

“वा-ल्‍वाकनी, माम्‍चु़नीकु सिजेम रोम्‍थिमुङा बासिट्‌पा बाइडा, मेराम सिजेम येशू चु़म्‍पामिमलाई क्रिपा यहूदाकु दुथाम दाऊदकु सिलाम ङादो ङा माम्‍चु़नी-पेलका जेम्‍डिम बाइडा।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

यूहन्‍ना 3:27

यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

थु़र्मा 10:19

पत्रुसका मिक्‍सीलामकु दुथाम आथावो मिम्‍डु़म बाइडालो माम्‍चु़नी-पेलका गुनुङ र्‍वाम्‍डी, “रेप्‍डा, सुले मु़चु़मिमका गानालाई माल्‍तोङा बोनामी।

थु़र्मा 15:14

हेसाका माम्‍चु़नीका ङादो वाङसामामिमडला उनी न-थो़म रेम्‍बेसाका मेर्मिमगोलाम उनीमा लागि मु़चु़मिम छेट्‌मिडिम ल्‍वा सिमोन पत्रुसका गुइनुङ र्‍वाक्‍ताम बु।

थु़र्मा 21:16

कैसरियाडाम कोले-नले थो़रलु़पामिम वो गुकुनुङङा लम्‍डी। मेकोतिमा मेर्मिमका गुकुलाई साइप्रस टापुडाम कोले माकेवाम थो़रलु़पा मनासोन र्‍वाक्‍मा मु़चु़कु नेमडा ख्‍लुक्‍तिकिमी, मा मेसिन्‍डा गुकु बात्तोको।