थु़र्मा 15:4 - थुलुङ राई

⁴ मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 15:4 Referans Kwoze

थु़र्मा 15:12

वाङसामामिमगोडा माम्‍चु़नीका पावल नुङ बारनाबासलामका हेल्‍लो वो मेल्‍वामिवाम खारीमिम नुङ छेखोपमिम रेम्‍बेम्‍डिम ल्‍वा मेर्चिपका सो़च्‍ची। घ्रो़म्‍दीडा रोम्‍डिम खोत्‍ले मु़चु़मिम लिबा बाम्‍डिमा मेर्मिमका ओराम ल्‍वा जो़होमका थो़म्‍डी।

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

रोमी 15:18

हेङालोने गो जेङुमिम ल्‍वाका नुङ खारीलामका वाङसामामिमलाई माम्‍चु़नीका र्‍वामिमिम थो़पा दु़म्‍बेन्‍मु लागि ख्रीष्‍टका गोलामका बेम्‍डिम मेराम खारीडाम वाङमिम ल्‍वाकु दुथाम गो जेमु मेचापु।

थु़र्मा 21:17

गुकु यरूशलेमडा रोक्‍थित्तोकोमा खोत्‍ले थो़रलु़पामिमका गुकुलाई छो़म गेर्सिक्‍तो क्रो़म्‍तिकिमी।

२ यूहन्‍ना 1:10

कोङनिम मु़चु़ इनीमा घ्रो़म्‍दीडा रो मा ओराम सीसि मेरेडु़वा माला मेराम मु़चु़लाई नेमडा मेयेट्‌नी। सेव मेसाट्‌नी।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

२ कोरिन्‍थी 5:19

मेराम र्‍वाक्‍मा ने मु़चु़मिमका बेम्‍डिम छु़लकु मुमा मेबेसाका माम्‍चु़नीका खोत्‍ले मु़चु़मिमलाई ख्रीष्‍टलामका गुमीनुङ न-थो़म घ्रो़म्‍बेट्‌मिडिम बु। मेम्‍मा वाङमिमलाई जो़पा-सेला थो़बेसाका न-थो़म घ्रो़म्‍बेट्‌पा खारी गुकुलाई ग्‍वाक्‍तिकिम बु।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

रोमी 15:7

मेम्‍मिमका माम्‍चु़नीकु यु़म झ्‍वाक्‍सीकाम लागि ख्रीष्‍टका गानीलाई हुनाखाना बेन्‍निम होम्‍साका गानी वो कोलेका कोङमीलाई हुनाखाना बेनी।

थु़र्मा 21:19

मेर्मिमनुङ घ्रो़म्‍मिडिमा पावलका वाङसामामिमलाई जो़पा-सेला थो़बेड्‌डु़मिलो माम्‍चु़नीका हे-हेप्‍माम खारीमिम बेम्‍डी, मेर्मिम खोत्‍ले पेन्‍तिका सीड्‌डु़मी।

थु़र्मा 18:27

मेकोतिमा अपोल्‍लोस अखैयाडा लमु न बु़डु़। एफिससडा बाट्‌पा थो़रलु़पामिमका गुलाई लमु उ सो हन्‍बेन्‍साम्‍डी, मा अपोल्‍लोसलाई रनी र्‍वाक्‍साका मेसिन्‍डाम सीसिपामिमलाई कोले सेलाखाजेम वो र्‍याम्‍सोम्‍डी। अखैयाडा रोक्‍थिड्‌डामा गुका माम्‍चु़नीकु दिदामका येशूडा थो़रलु़पामिमलाई छो़म ख्‍लो़यु़डु़मी।

मत्ती 10:40

“उहेमका गानीलाई रनी, मेरामका गोलाई रङी। मेम्‍मा उहेमका गोलाई रङी, मेरामका गोलाई थु़र्पा पापलाई रङु़।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 15:6

ओराम ल्‍वाकु दुथाम मुलु़ ख्रिमुलाई थु़र्मामिम नुङ एल्‍डरमिम खोम्‍सिम्‍डी।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 16:4

पावल, सिलास नुङ तिमोथी शहर-शहरडा लम्‍डिलो मेर्मिमका मेसिन्‍डाम थो़रलु़पामिमलाई यरूशलेमडाम थु़र्मामिम नुङ एल्‍डरमिमका मुलु़ बेम्‍डिम ल्‍वामिम होम्‍साका दोनी बेम्‍डी।