थु़र्मा 15:36 - थुलुङ राई

³⁶ कोलेम पावलका बारनाबासनुङ र्‍वाक्‍ता, “गुची माम्‍चु़नीकु जो़पा-सेला थो़बेट्‌चिमिम खोत्‍ले शहरडाम थो़रलु़पामिमकामबाडे ख्‍लोसिन्‍चिमा लची। मेकोतिमा मेर्मिमका हाम बोम्‍थाल्‍मी र्‍वाक्‍पा ल्‍वा गुची थो़ची।”

थु़र्मा 15:36 Referans Kwoze

थु़र्मा 14:6

मेर्चिपका ओराम ल्‍वा थो़च्‍चिमा लुकोनियाडाम लुस्‍त्रा शहर, डर्बी शहर नुङ होनो-आथो़म देलबाडे स्‍वाच्‍ची।

थु़र्मा 13:4

बारनाबास नुङ शाऊल माम्‍चु़नी-पेलका थु़र्मिडिमका सिलुकिया शहरयु़ लक्‍ची। मेकोतिमा मेलामका डोक्‍पु कुबी-बोक्‍साडा हुच्‍चिमा साइप्रस टापुथो़ लक्‍ची।

थु़र्मा 13:51

मेम्‍मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्‍ची, मा आइकोनियन शहरथो़ लक्‍ची।

२ कोरिन्‍थी 11:28

ओर्मिमडाम वो वाङमिम ने खोत्‍ले मण्‍डलीमिमकु दुथाममिम मिम्‍ताम-सो़र्ताम गो हेल्‍लो लोवो इम्‍थाक्‍पुमिम बु।

रोमी 1:11

माम्‍चु़नी-पेललाममिम जि गानीनुङ दो़साका ख्रीष्‍टडा हापा सोनुङमा दु़म्‍बेन्‍मु चापुनु़ र्‍वाक्‍साका गो गानीनुङ घ्रो़म्‍मु न बेउतोम बु।

थु़र्मा 14:1

पावल नुङ बारनाबास कोयोङा आइकोनियनडाम यहूदीमिमकु घ्रो़म्‍दीनेमडा लक्‍ची। मेसिन्‍डा मेर्चिप छो़म जो़पा जेच्‍चिमका छो़म सेर्पा यहूदीमिम नुङ ग्रीकमिमका येशूडा थो़र लु़म्‍डी।

२ तिमोथी 1:4

गाना ख्राम्‍नामिम नेम्‍फु सिन्‍था गो मिम्‍पु, मा गानालाई छो़म क्रो़म्‍मु आमा न बु। गो गानालाई क्रो़म्‍नी माला छो़म गेर्सी द्‌वामु।

१ थेसलोनिकी 3:6

लावो इनीमालामका तिमोथी ओम्‍लो आकीमाडा रोक्‍ताम बु, मा इनीमा थो़र नुङ रिखामकु दुथाममिम भ्रपा ल्‍वा रेड्‌डु़म बु। गानी हेल्‍लो लोवो गेर्सिद्‌वाक्‍तो गुकुलाई मिम्‍किनी ए, मा गुकुनुङ घ्रो़म्‍मु न बोनी ए र्‍वाक्‍साका गुका सो़यु़डु़। मेम्‍साकाङा गुकु वो गानीलाई क्रो़म्‍मु न बोकुमिम बु।

थु़र्मा 14:21

पावल नुङ बारनाबासका मेराम शहरडा जो़पा-सेला थो़बेच्‍चिमिमा सेर्पा सीसिपामिम दु़म्‍बेट्‌चिमी। मेकोतिमा मेर्चिप लुस्‍त्रा, आइकोनियन शहर नुङ पिसिदियाकु एन्‍टिओखिया शहरडा ख्‍लोसिक्‍ची।

थु़र्मा 7:23

“मोशा ब्‍ल धु़म (४०) थकाम दु़स्‍तालो उ त्‍वाकु वा-ल्‍वाक इस्राएलीमिमनुङ घ्रो़म्‍मु न बु़डु़।

मत्ती 25:43

गो वाङथो़लाम रोक्‍पा बाङडो, गानी मेयेट्‌ङिनिवा, आमा ये-सेम मान्‍थिम बाङडो, फम्‍सिमु मेग्‍वाङ्‌निवा। नो़पा नुङ झ्‍यालखानडा बाङडो, गानी गोलाई मेरेप्‍ङिनिवा।’

मत्ती 25:36

आमा ये-सेम मान्‍थिम बाङडो, ये-सेम फबेट्‌ङिडिनी। नो़पा बाङडो, रेप्‍ङिडिनी। झ्‍यालखानडा बाङडो, गोलाई क्रो़म्‍डा रोक्‍नी।’

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

थु़र्मा 13:12

मेसिन्‍डा हाम दु़स्‍ताम मेराम ल्‍वास्‍तु़मा मे साखामचो़का येशूडा थो़र बु़डु़, हेङालोने माम्‍चु़नीकु सीसिडा गु छो़म ङाङाया दु़स्‍ताम बाइडा।