Biblia Todo Logo
Bib sou entènèt

- Piblisite -




थु़र्मा 15:32 - थुलुङ राई

32 यहूदा नुङ सिलास उची त्‍वापङा वो माम्‍चु़नीलाम-जेपा बाच्‍चिमका थो़रलु़पामिमलाई हापा सिजेमलामका सीट्‌चिमिमा उनी सो हन्‍बेसाक्‍चिमी।

Gade chapit la Kopi




थु़र्मा 15:32
39 Referans Kwoze  

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।


मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”


एन्‍टिओखियाडाम मण्‍डलीडा कोङनिम माम्‍चु़नीलाम-जेपामिम नुङ सीपा मु़चु़मिम बाम्‍डी। मेर्मिम, बारनाबास, केकेम र्‍वाक्‍मा शिमियोन, कुरेनीडाम लुकियस, हेरोद हपकु ल्‍वाक बनेबेम्‍डिमा डु़ल्‍मिडिम मनेन नुङ शाऊल बाम्‍डी।


थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।


खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।


गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।


जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।


खोत्‍ले मु़चु़काम लागि सो़म्‍दी बेनी र्‍वाक्‍साका ङादो गो इमा सो हन्‍बेट्‌पु, मेर्मिमका हाम चाहेबोमी मेराम गानी माम्‍चु़नीनुङ बिनी, मा गुमीलाई आलासो़ ग्‍वाक्‍नी,


मेर्मिमका लिबा बासाका खारी बोमिनु़, मा पोमुडुमु लागि उनी त्‍वाकाङा खउलुङ डु़प्‍मिनु़ र्‍वाक्‍साका ङाचो़ येशू ख्रीष्‍टकु नङडा मेर्मिमलाई र्‍वाकु, मा बेबेन्‍कु।


माम्‍चु़नीलाममिम-जेसीलाई सेम्‍ला मेबेट्‌नी।


वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।


हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।


लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।


कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।


ओराम ल्‍वा ङादोम मु़चु़मिम सु़लाई वो चबेट्‌मा मेबायावा, लावो ओम्‍लो माम्‍चु़नीका उनीमा पेललामका ओराम ल्‍वा उनीमा सेपा थु़र्मामिम नुङ माम्‍चु़नीलाम जेपामिमलाई रेम्‍बेट्‌मिडिम बु।


माम्‍चु़नीलाम जेपामिमकु राप्‍लावा माम्‍चु़नीलाम जेपामिमकाम त्‍वाकु ल्‍वाडा दु़म्‍मिमका मेराम राप्‍लावा जो़होमका थो़मु बासी।


माम्‍चु़नीलाम जेपामिम नले, सुलेका कोङङा जेमिनु़, मा वाङमिमका ने मेर्मिमका जेमिमिम ल्‍वा जो़होमका छाम्‍मिनु़।


लावो माम्‍चु़नीलाम जेपा मु़चु़मिमका सु़ लोवो मु़चु़मिमनुङ जेमी। गुका मेर्मिमलाई यु़मनुङ बर्बेन्मु, सो हन्‍बेन्‍सामु, मा न बन्‍सामु जेमी।


हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।


मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।


माम्‍चु़नीका उनीमा दिदामका गुइलाई ग्‍वाक्‍साडामिम वाङ वाङ राप्‍लावालाम उनीमा खारी बिइ। माम्‍चु़नीलाम जेमुचापा त्‍वाकु थो़रलु़सीडा गुमीलाम जेसी।


मेसिन्‍डाम देलगुथाबाडे पावल लस्‍तामा थो़रलु़पामिमकु उनी सो हन्‍बेट्‌जो़ल्‍लु़मी, मा गु ग्रीसथो़ ख्‍लोसिड्‌डा।


एन्‍टिओखियाडा कोलेम-नलेम बाइडामा पावल गलातिया नुङ फ्रिगिया दु़म्‍तो खोत्‍ले थो़रलु़पामिमकु सो हन्‍बेत्तो, खोत्‍लेथो़ खिर्सिड्‌डा।


मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।


मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।


यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”


मेराम थारीका माम्‍चु़नीलाम-जेपामिम कोले नले यरूशलेमलामका एन्‍टिओखिया शहरयु़ योम्‍डी।


पत्रुसका वाङमिम वो हापा ल्‍वामिमलामका उनी न छ्‌याक्‍सात्तो आरे बु़डु़मी, “छु़लचो़मिमका ल्‍वापा देन्‍देडाम वाङ बासाका सेल्‍सिट्‌नी।”


माम्‍चु़नीकु नेप्‍चीका वो इनी दुथाम आरे र्‍वाक्‍ताम बाइडा, ‘गोलाम जेपामिम नुङ थु़र्मामिमलाई गो मेर्मिमकाडा थु़रु़मी। मेर्मिमका कोङनिमलाई सेन्‍मी, मा कोङनिमकु थो़मतेर्सामी।’


मेम्‍मिमका इनीमाडा माम्‍चु़नीलाम-जेपामिम, नेप्‍चीनुङमा मु़चु़मिम, मा सीपा मु़चु़मिम गो थु़रुमी। मेर्मिमगोडाम कोङनिमलाई गानी सेनिमा क्रूसडा चेनी, मा याङलाई इनी घ्रो़म्‍दीनेममिमबाडे कोक्‍तेकु रिबाका याल्‍नी। मेम्‍मा शहरलामका शहरथो़ खानिमी।


एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।


मेम्‍मिमका गुकु यहूदा नुङ सिलासलाई इनीमाडा थु़र्तोकोम बु। मेर्चिपका वो गुकु र्‍याक्‍तोकोम ल्‍वा ङा सो़ची सो़।


सो हन्‍बेट्‌पा ओराम सेलाखाजेम डाट्‌मिडिमा खोत्‍ले थो़रलु़पामिम छो़म गेर्सिम्‍डी।


Swiv nou:

Piblisite


Piblisite