थु़र्मा 15:25 - थुलुङ राई

²⁵ मेम्‍मिमका गुकु खोत्‍ले घ्रो़म्‍तोकोमा बेत्तोकोम मुलु़ होम्‍साका कोङ-कोङ मु़चु़मिमलाई थुमुमी, मा मेर्मिमलाई गुकु द्‌वाक्‍तोकोम बारनाबास, पावलनुङ थु़र्मु न बेत्तोकोम बु।

थु़र्मा 15:25 Referans Kwoze

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 1:14

येशूकु माम मरियम, येशूकु ल्‍वाकमिम नुङ वाङमी मेसेममिम खोत्‍ले कोले नकाम दु़म्‍साका हेल्‍लो लोवो सो़म्‍दी बेम्‍थाल्‍मिडी।

लूका 1:3

मेम्‍मा द्‍वादीबुङ ङाचो़ थियोफिलस, गो वो येशूकु दुथाम नुङ येशूका खारी बोमु चो़म्‍मिडिलो आथामङा खोत्‍ले ल्‍वा चङको चङको दु़म्‍साका माल्‍तो ख्‍लोक्‍तोम बु। मेर्मिम खोत्‍ले पेन्‍तिका गो गानीलाई र्‍यामु जो़पा लु़ङडो।

फिलेमोन 1:16

लावो डु़ल्‍चो़ होङङा मेएँ, ओनेसिमस ने डु़ल्‍चो़डाम वो डोक्‍पु सो़। गु आमा लागि द्‌वादीबुङ ल्‍वाक, लावो इमा लागि ने मेरामडाम हापा, हेङालोने ङाचो़ येशूडा मेराम कोङ मु़चु़ नुङ थो़रलु़पा ल्‍वाक होङङा सो़।

कलस्‍सी 4:9

गु ओनेसिमसनुङ इनीमाडा रोक्‍तोङा लेडु़। मे ओनेसिमस गानी गोडामङा कोले मु़चु़, थो़रलु़इमिम नुङ थो़र लु़पा आकीमा द्‌वादीबुङ ल्‍वाक सो़। आसिन्‍डा हा-हाम दु़स्‍ताम मेर्मिम खोत्‍ले ल्‍वा मेर्चिपका गानीनुङ सो़ची सो़।

कलस्‍सी 4:7

तुखिकसका आमा दुथाममिम खोत्‍ले सेलामिम गानीनुङ सो़यु़। गु ङाचो़काम लागि खारी बोमुडा थो़रलु़इमिम नुङ गोनुङ कोयो खारी बेपा आमा द्‌वादीबुङ थो़र लु़पा ल्‍वाक सो़।

एफिसी 6:21

इकीमा छो़म द्‌वादीबुङ ल्‍वाक मा ङाचो़कु थो़रलु़इमिम डु़ल्‍चो़ तुखिकसकाङा गो हेप्‍माम बुङु मा हाम बेत्तो बेउ र्‍वाक्‍पा खोत्‍ले गानीनुङ सो़यु़।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

१ कोरिन्थी 1:10

वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।

रोमी 16:12

ङाचो़कु खारी बोमुडा हेल्‍लो वो मेघ्रु़म्‍पा त्रुफेना नुङ त्रोफोसालाई सेव। ङाचो़कु खारीडा छो़म ब्राम्‍दु़ल्‍वा बेपा द्‍वादीबुङ रिचो़ ल्‍वाक परसीसलाई सेव र्‍वाङसाङनी।

थु़र्मा 15:35

पावल नुङ बारनाबास वाङमी हापा मु़चु़मिमनुङ येशूकु दुथाममिम जो़पा-सेला सीत्तो नुङ सो़त्तो एन्‍टिओखिया शहरडा बाच्‍ची।

थु़र्मा 15:6

ओराम ल्‍वाकु दुथाम मुलु़ ख्रिमुलाई थु़र्मामिम नुङ एल्‍डरमिम खोम्‍सिम्‍डी।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

थु़र्मा 2:1

पेन्‍तिकोस चाडकामनेम थो़रलु़पामिम खोत्‍लेङा कोदेप खोम्‍सिम्‍डिम बाइडा।

मत्ती 11:26

आरे बोमुङा गानी जो़पा लु़न्‍नी, पाआ।