थु़र्मा 15:24 - थुलुङ राई

²⁴ गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

थु़र्मा 15:24 Referans Kwoze

गलाती 5:12

कोक्‍ते खिरिरि क्रिम्‍मु बासी र्‍वाक्‍तो गानीलाई ब्‍लो़म्‍मु माल्‍पामिमका ने उनीमा त्‍वाकु मिरो़मङा क्रिम्‍मी लोवो नु़।

गलाती 5:10

गुइ खोत्‍ले ङाचो़नुङ दु़स्‍तिमका गानी कोर्थो़ न मेसोनी र्‍वाक्‍पा गो थो़रलु़ङडोम बु। गानीलाई ब्‍लो़प्‍जो़ल्‍साका कोर्थो़ लक्‍पा मु़चु़ सु़का लोवो देन्‍दे ल्‍वासु़।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

गलाती 1:7

लावो मेराम ने आच्‍छाङाकाम जो़पा-सेला मेएँ। कोङनिम मु़चु़का गानीलाई ब्‍लो़प्‍साका येशू ख्रीष्‍टलाममिम जो़पा-सेला कोर्थो़ हेर्मु माल्‍तोङा लेन्‍मिमिमका गो ओराम ल्‍वा र्‍वाक्‍तोङा बेउ।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

२ तिमोथी 2:14

थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।