थु़र्मा 15:21 - थुलुङ राई

²¹ हेङालोने मेराम र्‍याक्‍मा मोशाकु डु़म्‍ला ङाउ-खुउमिम बाम्‍डिलोम आथामङा शहर-शहरडा सीत्तोङा गेट्‌मिडिमका, मा खोत्‍ले घ्रो़म्‍दी नेमडा खोत्‍ले ङेम्‍सिमु-ङेम्‍सिमुनेम मेराम डात्तोङा लेडिमिम बु।”

थु़र्मा 15:21 Referans Kwoze

थु़र्मा 13:15

मोशाकु डु़म्‍ला नुङ माम्‍चु़नीलाम-जेपामिमकु खाजेम डाट्‌मिडिम चङडा घ्रो़म्‍दीनेमडाम डोक्‍पु ङाउमिमका मेर्चिपकाडा आरे र्‍वाक्‍पा सेला थु़र्मिडी, “छारीची, गाचीनुङ मु़चु़मिमकाम सो हन्‍बेट्‌पा कोङनिम सिजेम बु माला जेची।”

थु़र्मा 13:27

लावो यरूशलेमडा बाट्‌पा मु़चु़मिम नुङ उनी साखामचो़मिमका येशू सेल्‍पा बुमी र्‍वाक्‍साका मेछेमिवा। माम्‍चु़नीलाम-जेपामिमकु सिजेम ङेम्‍सिमु-ङेम्‍सिमुनेम हेल्‍लो लोवो डान्‍थाल्‍मिडी, लावो थेसिमेथेट्‌मिवा। येशूलाई मेर्मिमका देन्‍दे ग्‍वाक्‍साका मे माम्‍चु़नीकु सिजेमडा र्‍याक्‍मा होङङा रेन्‍थिम्‍डी।

लूका 4:16

गुमी नासरत देलडा रोम्‍डी। मेसिन्‍डा गुमी बर्मिडिम बाइडा। गुमी ङादो आथाममिम उनी बादीखाम होम्‍साका ङेम्‍सिमुनेम घ्रो़म्‍दीनेमडा लम्‍डिमा माम्‍चु़नीकु सिजेम डान्‍मु लागि गुमी येम्‍सिम्‍डी।

लूका 16:29

“लावो अब्राहामका र्‍वाक्‍ता, ‘मोशा नुङ माम्‍चु़नीलाम-जेपामिमका र्‍वाम्‍डिम खाजेम मेर्मिमनुङ बु। मेगोडा र्‍याक्‍मा सिजेमका र्‍वामिम होम्‍साका मेर्मिम दोमिनु़।’