थु़र्मा 15:20 - थुलुङ राई

²⁰ लावो मेर्मिमलाई ओराम ल्‍वा र्‍याकिमा थु़र्सी– ङाटाकु नङ बेम्‍मामिम हाम वो मेपेनी, नाम्‍सु़रु़ मेबेनी, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि मेपेनी।

थु़र्मा 15:20 Referans Kwoze

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”

रेम्‍बेट्‌मिडिम ल्‍वा 2:20

मेमङा लोवो, इमा दुथाम गो मेद्‌वाक्‍पुमिम ओराम ल्‍वा बु: इजेबेल मेसेम, उहेमका गु उ त्‍वापलाई माम्‍चु़नीलाम-जेपानिम र्‍वा, गुलाई गानी उमा लिमा सीसि सीमु ग्‍वानी। गुका आमा डु़ल्‍चो़मिमलाई नाम्‍सु़रु़ बेबेसाका नुङ ङाटाडला सासेट्‌मा पोमु-डुमु पेबेसाका ताङताहेरथो़ ल।

रेम्‍बेट्‌मिडिम ल्‍वा 2:14

मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

थु़र्मा 21:25

लावो थो़रलु़पा वाङसामामिमलाई गुकु आरेप्‍माम सेलाखाजेम र्‍याक्‍तोकोमा थु़र्तोकोम बु गानी ङाटालाई सासेट्‌मा पोमु-डुमु, लक्‍चा रिम्‍साका सेट्‌मा सो़ नुङ सिसि मेपेनी, मा नाम्‍सु़रु़ मेबेनी।”

१ कोरिन्थी 6:18

नाम्‍सु़रु़ मेबेनी। मु़चु़का वाङमिम हेप्‍माम छु़ल बु़ लोवो मेराम मिरो़मकु पाखालाममिम दु़म, लावो नाम्‍सु़रु़ बेपा मु़चु़का उ त्‍वाकु मिरो़मकाम कोर्थो़लाम छु़ल बु़।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

रेम्‍बेट्‌मिडिम ल्‍वा 9:20

ओर्मिम सेट्‌पा दु़खाका मेसेट्‌मा वाङमिम मु़चु़मिमका आथावो उनी मेजो़पा खारीलाम मेख्‍लोम्‍सिट्‌मिवा। मेर्मिमका मुनाङमिम नुङ मिक्‍सीका ल्‍वामु मेचापा, मेथो़पा मा लाम्‍दिमु मेचापा सो़ना, मतो, बुलु, लुङ नुङ सङकु ङाटालाई सेव सान्‍मु मेडिट्‌मिवा।

१ पत्रुस 4:3

वाङसामामिमका बोमु न बेम्‍डिम होङङा नाम्‍सु़रु़, वाङमिम मेसेमनुङ अम्‍पा न, डु़सेवा, एलेङगी बेसाका पेपा ग्रुलाडा नुङ घ्राम्‍लु़पा ङाटा सेव सासीडा गानी छो़म नेम ताबेट्‌नी।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

१ थेसलोनिकी 4:3

गानी सेपा दु़म्‍नी र्‍वाक्‍पा माम्‍चु़नीकु न बु। मेम्‍मिमका खोत्‍ले नाम्‍सु़रु़ बोमुडाम वाङ बानी।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

एफिसी 5:3

माम्‍चु़नीकु सेपा मु़चु़ दु़म्‍निमका गानी नाम्‍सु़रु़, रारी बेपा मा खोत्‍लेखालकाम मेसेपा ल्‍वाकु नङ वो मेरनी।

गलाती 5:19

मु़चु़मिमकु नगोडाम मेजो़पा को-कोक्‍सी ने ओर्मिमङा सो़– नाम्‍सु़रु़ बोमु, मेसेपा नका बुमु-दोमु, वाङमिमकु नाइमेनुङ अम्‍मु,

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

१ कोरिन्थी 7:2

लावो हापा नाम्‍सु़रु़ दु़म्मिमका खोत्‍ले वोस्‍चो़काम उनी त्‍वाकामङा नाइमे दु़म्‍मु बासी, मा खोत्‍ले मेसेमकाम उनी त्‍वाकामङा वोचु़ दु़म्‍मु बासी।

१ कोरिन्थी 5:11

लावो उहेमका उ त्‍वाप ख्रीष्‍टडा थो़रलु़पा र्‍वा मा वो नाम्‍सु़रु़ बु़, रारी बु़, ङाटा सेव साडु़, वाङमिमलाई डक्‍साका जे, छो़म डु़सेवा बु मा वाङमिमलाई रोडु़मी, मेप्‍माम मु़चु़नुङ कोदेप मेबानी र्‍वाक्‍साका र्‍याक्‍तोम बाइडा। पोमु-डुमुङा वो मेप्‍माम मु़चु़नुङ मेपेनी।

रेम्‍बेट्‌मिडिम ल्‍वा 10:8

मेम्‍मा गो थो़उतोम पाह्रीलाममिम लो़लामका गोलाई आथावो आरे बेङडी: “लक्‍सा, दिरिदिन नुङ सुबुडा येम्‍सिक्‍पा मे पाह्रीचो़कु ल्‍वाडा बाट्‌पा मेराम होर्थाट्‍मा याक्‍के दिल्‍मा खाजेम रङा।”

रेम्‍बेट्‌मिडिम ल्‍वा 10:2

मेरामका याक्‍के दिल्‍मा खाजेम होर्थाक्‍साका उ ल्‍वाडा जेथाड्‌डु़। गुका उ जो़पखेलका दिरिदिनडा मा उ पेखेलका बायडा देम्‍थाड्‌डु़।

हिब्रू 12:16

सु़ वो वाङमिम मेसेमनुङ अम्‍पा लोवो माम्‍चु़नीलाई डोक्‍पु मेबेपा एसाव होप्‍माम मेदु़म्‍नु़, एसावका तोङदीचो़ दु़स्‍ताम उमा साखाम कोसि पोमुडा भ्रेड्‌डु़म बाइडा।

२ कोरिन्‍थी 12:21

गो आथावो इनीमाडा रोङुलो गानी मेजो़पा खारी बेन्‍निमका माम्‍चु़नीडा आमा क्रो़म लु़ र्‍वाक्‍पा ङिम लु़। मेम्‍मा ङादो छु़ल बेपा हापा मु़चु़मिमका आथावो त्‍वाका बेम्‍डिम घ्रामलु़पा खारी, नाम्‍सु़रु़ नुङ वाङमिम मेसेमनुङ अमअम द्‌वाक्‍पा नलाम मेख्‍लोसिप्‍मिवामका गो ख्राम्‍मु बासी डे र्‍वाक्‍पा गोलाई ङिम लु़डाम बु।

१ कोरिन्थी 6:13

गानी आरे वो र्‍वाक्‍नी, “पोमु-डुमु ख्‍वाचेपकाम लागि, मा ख्‍वाचेप पोमु-डुमुकाम लागि।” ओराम आच्‍छाङा, लावो माम्‍चु़नीका निफिङा पुयु़लुबेन्‍मी। मिरो़म नाम्‍सु़रु़ बोमु लागि मेएँ, लावो ङाचो़काम लागि सो़, मा ङाचो़ मिरो़मकाम लागि सो़।