थु़र्मा 15:2 - थुलुङ राई

² मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 15:2 Referans Kwoze

गलाती 2:5

लावो जो़पा-सेलाकु आच्‍छाङाकाम सिजेम इनीमा लागि दु़म्‍नु़म बुनु़ र्‍वाक्‍साका मेर्मिमका र्‍वाम्‍डिम ल्‍वा कि-कि वो गुकु मेथो़कुवा।

२ कोरिन्‍थी 11:5

त्वापङा डोक्‍पु दु़म्‍पा मे थु़र्मामिम लिसिक्‍पामिमडाम गो कि-किम वो याक्‍के मेबुङु।

थु़र्मा 15:4

मेर्मिम यरूशलेमडा रोम्‍फाम्‍डिमा मण्‍डलीडाम मु़चु़मिम, थु़र्मामिम नुङ एल्‍डरमिमका मेर्मिमलाई सेव साट्‌मिडी। मेकोतिमा पावल, बारनाबासनुङ रोक्‍पामिमका माम्‍चु़नीका मेर्मिमनुङ बेम्‍डिम खोत्‍ले खारीमिमकु दुथाम सो़म्‍डी।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

१ कोरिन्थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टका उनीमा थु़र्मा मु़चु़ दु़म्‍मु छेट्‌ङिडिमिम गो पावल मा गोनुङ लाम्‍दिपा आकीमा ल्‍वाक सोस्‍थेनेसलामका सो़।

थु़र्मा 21:18

उ दिकाम नेम पावलनुङ गुकु याकूबकाडा लक्‍तोको। मेसिन्‍डा खोत्‍ले एल्‍डरमिम खोम्‍सिम्‍डिम बाइडा।

थु़र्मा 16:4

पावल, सिलास नुङ तिमोथी शहर-शहरडा लम्‍डिलो मेर्मिमका मेसिन्‍डाम थो़रलु़पामिमलाई यरूशलेमडाम थु़र्मामिम नुङ एल्‍डरमिमका मुलु़ बेम्‍डिम ल्‍वामिम होम्‍साका दोनी बेम्‍डी।

थु़र्मा 15:27

मेम्‍मिमका गुकु यहूदा नुङ सिलासलाई इनीमाडा थु़र्तोकोम बु। मेर्चिपका वो गुकु र्‍याक्‍तोकोम ल्‍वा ङा सो़ची सो़।

थु़र्मा 15:25

मेम्‍मिमका गुकु खोत्‍ले घ्रो़म्‍तोकोमा बेत्तोकोम मुलु़ होम्‍साका कोङ-कोङ मु़चु़मिमलाई थुमुमी, मा मेर्मिमलाई गुकु द्‌वाक्‍तोकोम बारनाबास, पावलनुङ थु़र्मु न बेत्तोकोम बु।

थु़र्मा 11:12

माम्‍चु़नी-पेलका गोलाई इमा नड्‌डा हाम वो मेमुर्सिक्‍साका मेर्मिमनुङ लक्‍सा र्‍वाम्‍डी। मेकोतिलो ओर्मिम रुले थो़रलु़पामिम वो गोनुङ ङा लम्‍डी, मा गुकु वाङसामा कर्नेलियसकु नेमडा हुत्तोको।

थु़र्मा 10:23

मेकोतिमा पत्रुसका मेर्मिमलाई मेराम नेम्‍था बुमु नेमगोनो येड्‌डु़मी। उ दिकाम नेम पत्रुस झो़म्‍सिड्‌डामा मेर्मिमनुङ लस्‍ता। योप्‍पाडाम कोले नले थो़रलु़पामिम वो पत्रुसनुङ लम्‍डी।